నీట్ జులై 26, జేఈఈ 18-23
జేఈఈ, నీట్ ప్రవేశ పరీక్షల తేదీలను ప్రకటించింది కేంద్రం. జులై 18-23 వరకు జేఈఈ మెయిన్స్, ఆగస్టులో అడ్వాన్స్డ్ పరీక్షలు నిర్వహిస్తామని స్పష్టం చేశారు కేంద్ర మానవ వనరులశాఖ మంత్రి రమేశ్ పోఖ్రియాల్.
జులై 26న నీట్
జులై 26న నీట్ పరీక్షను నిర్వహించనున్నట్లు వెల్లడించారు. పెండింగ్లో ఉన్న సీబీఎస్ఈ 10,12వ తరగతి పరీక్షలపై అతి త్వరలోనే నిర్ణయం తీసుకోనున్నట్లు స్పష్టం చేశారు పోఖ్రియాల్.
దేశంలోని ప్రతిష్ఠాత్మక కళాశాలల్లో ఇంజినీరింగ్, వైద్య విద్యను అభ్యసించేందుకు జేఈఈ, నీట్ పరీక్షలను ప్రతి ఏటా నిర్వహిస్తుంది కేంద్రం. అయితే కరోనా కారణంగా దేశవ్యాప్తంగా లాక్డౌన్ విధించిన నేపథ్యంలో.. ఈ పరీక్షలను వాయిదా వేసింది. తాజాగా ఈ పరీక్షల కొత్త తేదీలను ప్రకటించింది.
