దేశంలోని విద్యార్ధులందరికీ ప్రభుత్వం 10 జీబీ ఇంటర్నెట్‌ డేటాను అందించనుందనే వార్తలు వాట్సప్‌ తదితర సామాజిక మాధ్యమాల్లో విపరీతంగా చక్కర్లు కొడుతున్నాయి. కొవిడ్‌-19 వ్యాప్తి కారణంగా పాఠశాలలు, కళాశాలలు తదితర విద్యా సంస్థల్లో కొనసాగుతున్న ఆన్‌లైన్‌ తరగతులు, పరీక్షల్లో విద్యార్థులు పాల్గొనేందుకు వీలుగా ప్రభుత్వం ఈ చర్య చేపట్టనుందని ప్రచారం జరుగుతోంది.
అయితే ఈ వార్తలు నిజం కాదని కేంద్ర ప్రభుత్వ మీడియా సంస్థ ప్రెస్‌ ఇన్ఫర్మేషన్‌ బ్యూరో స్పష్టం చేసింది. ఈ ప్రచారాన్ని నమ్మవద్దని, ప్రభుత్వం ఆ విధమైన నిర్ణయమేదీ తీసుకోలేదని ఈ సంస్థ సామాజిక మాధ్యమాల ద్వారా స్పష్టం చేసింది.
ఇదీ చూడండి: 'దేశీయ రక్షణ సామర్థ్యంతోనే శాంతికి పునాది'
