కరోనా వ్యాక్సిన్ కోసం ప్రపంచవ్యాప్తంగా విస్తృత ప్రయోగాలు జరుగుతున్న వేళ భారత్లో అభివృద్ధి చేస్తున్న కొవిడ్-19 వ్యాక్సిన్ క్యాండిడేట్స్ క్లినికల్ ట్రయల్స్లో అద్భుత ఫలితాలను ఇస్తున్నాయని కేంద్ర ఆరోగ్యశాఖ వెల్లడించింది. దేశంలోని వివిధ ప్రాంతాల్లో ట్రయల్స్ నిర్వహిస్తున్నట్లు పేర్కొంది.
భారత్లో అభివృద్ధి చేస్తున్న భారత్ బయోటెక్, జైడస్ కాడిలా వ్యాక్సిన్లు ప్రస్తుతం రెండోదశ క్లినికల్ ట్రయల్స్లో ఉన్నాయని అధికార వర్గాలు తెలిపాయి. వచ్చే ఏడాది జులై నాటికి వ్యాక్సిన్ అందుబాటులోకి వస్తుందని పేర్కొన్నాయి.
సీరంతో చేతులు కలిపిన ఐసీఎమ్ఆర్
సీరమ్ ఇన్స్టిట్యూట్ ఆఫ్ ఇండియా, ఐసీఎమ్ఆర్ సంయుక్తంగా రెండు వ్యాక్సిన్లకు క్లినికల్ ట్రయల్స్ నిర్వహించనున్నాయి. వీటిలో ఆక్స్ఫర్డ్ విశ్వవిద్యాలయం అభివృద్ధి చేసిన వ్యాక్సిన్ ఒకటికాగా , ఆస్ట్రాజెనికా మరొకటి.
రష్యా వ్యాక్సిన్ క్లినికల్ ట్రయల్స్
రష్యా ప్రభుత్వం ప్రతిష్ఠాత్మకంగా అభివృద్ధి చేస్తున్న స్పుత్నిక్-వి వ్యాక్సిన్ మూడో దశ క్లినికల్ ట్రయల్స్ని భారత్లో నిర్వహించేందుకు డా. రెడ్డీస్ ల్యాబ్స్ సన్నాహాలు చేస్తోంది.
