మోటారు వాహనాల చట్టం-2019 అమల్లోకి వచ్చిన అనంతరం.. ట్రాఫిక్ ఉల్లంఘనలపై కొరడా ఝుళిపిస్తున్నారు అధికారులు. నిబంధనలు పాటించని వారికి వేలల్లో, లక్షల్లో జరిమానాలు విధిస్తున్నారు.
ఇటీవల కారులో వెళ్తుంటే హెల్మెట్ లేదని డ్రైవర్పై ఉత్తర్ప్రదేశ్ బరేలీ పోలీసులు చలానా విధించిన పోలీసుల నిర్వాకం మరువకముందే మళ్లీ అలాంటి ఘటనే చోటుచేసుకుంది.
ఉత్తరాఖండ్లోని వికాస్నగర్ ప్రాంతంలో ఓ ఎద్దులబండికి రూ. 1000 జరిమానా విధించారు అధికారులు. స్థానిక నది ఒడ్డున ఎడ్లబండిని గమనించిన గస్తీ విధుల్లోని పోలీసులు రైతుకు చలానా జారీ చేశారు.
ఎడ్లబండికి పెనాల్టీ ఎలా..?
ఈ విషయంపై స్పందించిన పోలీసు అధికారులు పొరపాటున చలానా విధించామని, తమ తప్పు తెలుసుకున్న తర్వాత జరిమానాను ఉపసంహరించుకున్నట్లు వెల్లడించారు.
అయినా.. ప్రస్తుతం దీనిపై పెద్ద చర్చే నడుస్తోంది. అసలు మోటార్ వాహనాల చట్టం ప్రకారం ఎడ్లబండికి ఎలా పెనాల్టీ విధించారనే ప్రశ్న ఉత్పన్నమవుతోంది.
ఇదీ చూడండి: 60 వసంతాలు పూర్తి చేసుకున్న 'దూరదర్శన్'
