ప్రపంచవ్యాప్తంగా ప్రముఖుల ట్విట్టర్ ఖాతాల హ్యాక్ ప్రస్తుతం సంచలనం రేపుతోంది. ఈ నేపథ్యంలో ట్విట్టర్కు భారత సైబర్ సెక్యూరిటీ నోడల్ ఏజెన్సీ.. ఇండియన్ కంప్యూటర్ ఎమర్జెన్సీ రెస్పాన్స్ టీమ్ (సెర్ట్-ఇన్) నోటీసులు జారీ చేసింది.
హ్యాకింగ్పై పూర్తి వివరాలు సమర్పించాలని నోటీసుల్లో పేర్కొంది. హ్యాకింగ్కు గురైన ఖాతాల్లో ఎవరైన భారతీయులు ఉంటే ఆ వివరాలు, వారి డేటాపై ఏమైనా ప్రభావం పడిందా అనే పూర్తి సమాచారం తమకు అందించాలని సూచించింది.
అసలు విషయమేమిటంటే..
జులై 15న మధ్యాహ్నం పలువురు ప్రముఖుల ట్విట్టర్ ఖాతాలు హ్యాక్ చేసి అందులో బిట్కాయిన్కు సంబంధించిన పోస్ట్లు పెట్టారు హ్యాకర్లు. ఖాతాలు హ్యాక్ అయిన వారి జాబితాలో అమెరికా మాజీ అధ్యక్షుడు బరాక్‌ ఒబామా, జో బైడెన్, బిల్‌గేట్స్‌, వారెన్‌బఫెట్, జెఫ్‌ బెజోస్‌, ఎలాన్‌ మస్క్‌ సహా సెలబ్రిటీలు కేన్ వెస్ట్, అతడి భార్య కిమ్ కర్దాషియన్ వంటివారు ఉన్నారు.
వీరి అధికారిక ఖాతాల్లో అనుమానాస్పద ట్వీట్లు పెట్టారు సైబర్ కేటుగాళ్లు. క్రిప్టో కరెన్సీ రూపంలో తమకు డొనేషన్లు కావాలని తర్వాత రెట్టింపు చెల్లిస్తామని సైబర్ నేరగాళ్లు మెసేజ్‌లు పెట్టినట్లు ట్విట్టర్ గుర్తించింది.
ఈ నేపథ్యంలో భారతీ యూజర్ల డేటా భద్రతపై స్పష్టత కోసం కేంద్రం నోటీసులు ఇచ్చింది.
