కరోనా విజృంభణతో పాఠశాలలు మూతపడ్డాయి. ప్రత్యామ్నాయంగా ఆన్లైన్ పాఠాలు ప్రారంభించాయి ఆయా రాష్ట్ర ప్రభుత్వాలు. ఆర్థిక ఇబ్బందుల వల్ల చాలా మంది ల్యాప్టాప్, స్మార్ట్ఫోన్లకు ఆమడ దూరంలో ఉన్నారు. అయితే వారిలా తన కూతురు కాకూడదని ఓ పేద దేవదాసి తల్లి.. చెవిపోగులు అమ్మి మరీ స్మార్ట్ఫోన్ కొనిచ్చింది.
ఇదీ అసలు కథ!
కర్ణాటక బెళగావి జిల్లా అంకలగి గ్రామానికి చెందిన సరోజిని బెవినకట్టి.. బెళగావి నగరంలో తన కుటుంబంతో కలిసి నివాసం ఉంటోంది. సరోజిని కుమార్తె రేణుకా పదో తరగతి చదువుతోంది. కుమారుడు ఇంటర్ ద్వితీయ సంవత్సరం. ఓ ప్రమాదంలో రెండు కాళ్లూ పోగొట్టుకున్నాడు.
తానే అన్నీ అయి కుటుంబాన్ని పోషిస్తూ వస్తోంది సరోజిని. పరిస్థితులు చూస్తుంటే తీవ్ర ఆర్థిక ఇబ్బందులను ఎదుర్కొంటున్నట్లు తెలుస్తోంది. అయినప్పటికీ తన చెవిపోగులను అమ్మివేసి.. కుమార్తె ఆన్లైన్ పాఠాలు వినేందుకు స్మార్ట్ఫోన్ కొని ఇచ్చింది సరోజిని.
లాక్డౌన్ కారణంగా సావదతి రేణుకా దేవి ఆలయం కూడా మూతపడటం వల్ల జీవనం సాగించడానికి చాలా కష్టంగా ఉందని ఈటీవీ భారత్కు చెప్పుకొచ్చింది దేవదాసి సరోజిని.
ఇదీ చూడండి: తొలిసారి దేశవ్యాప్తంగా మిలిటరీ బ్యాండ్ ప్రదర్శనలు
