రాజకీయంగా తీవ్ర దుమారం రేపిన 'ఐటం' వ్యాఖ్యలపై మధ్యప్రదేశ్ మాజీ ముఖ్యమంత్రి, కాంగ్రెస్ సీనియర్ నేత కమల్నాథ్కు నోటీసులు జారీ చేసింది ఎన్నికల సంఘం. 48 గంటల్లోగా వివరణ ఇవ్వాలని ఆదేశించింది. లేకపోతే చర్యలు తీసుకుంటామని స్పష్టం చేసింది. కమల్నాథ్ వ్యాఖ్యలు ఎన్నికల ప్రవర్తన నియమావళిని ఉల్లంఘించినట్లేనని పేర్కొంది.
అసెంబ్లీ ఉప ఎన్నికల ప్రచారంలో భాగంగా గ్వాలియర్లో నిర్వహించిన ఓ ర్యాలీలో ఆదివారం పాల్గొన్నారు కమల్ నాథ్. భాజపా మహిళా అభ్యర్థిని ఉద్దేశిస్తూ అనుచిత వ్యాఖ్యలు చేశారు.
కమల్నాథ్ వ్యాఖ్యలపై భాజపా మండిపడింది. మధ్యప్రదేశ్ ముఖ్యమంత్రి శివరాజ్ సింగ్ చౌహాన్ సోమవారం నిరసనకు కూడా దిగారు. జాతీయ మహిళా కమిషన్ కమల్నాథ్ను ఇప్పటికే వివరణ కోరింది.
ఇదీ చూడండి: కమల్నాథ్ అనుచిత వ్యాఖ్యలపై దుమారం
