సార్వత్రిక ఎన్నిక్లలో పార్టీ ఓటమిపై కాంగ్రెస్ అధ్యక్షుడు రాహుల్ గాంధీకి సంఘీభావం తెలపనున్నారు కాంగ్రెస్ పాలిత రాష్ట్రాల ముఖ్యమంత్రులు. నేడు పార్టీ అధ్యక్షుడితో భేటీ కానున్నారు. ఈ సందర్భంగా లోక్సభ ఎన్నికల్లో ఓటమిపై తమదే నైతిక బాధత్య అని పేర్కొన్నారు రాజస్థాన్ ముఖ్యమంత్రి అశోక్ గెహ్లోత్.
రాజస్థాన్, పంజాబ్, మధ్యప్రదేశ్, ఛత్తీస్గఢ్, పుదుచ్చేరిలో అధికారంలో ఉంది కాంగ్రెస్ పార్టీ. కానీ లోక్సభ ఎన్నికల్లో 52 స్థానాలకే పరిమితమైంది.
పార్టీ ఓటమిపై ఈ భేటీలో చర్చించే అవకాశం ఉందని తెలిపారు గెహ్లోత్. పార్టీ అధ్యక్షుడిగా రాహుల్ సమర్థుడని ట్వీట్ చేశారు.
" సంఘీభావం తెలిపేందుకు కాంగ్రెస్ అధ్యక్షుడు రాహుల్ గాంధీని తన నివాసంలో కాంగ్రెస్ పాలిత రాష్ట్రాల ముఖ్యమంత్రులంతా నేడు కలవనున్నారు. కాంగ్రెస్ పార్టీతోనే ఉంటామని గతంలోనే మేము చెప్పాం. 2019 ఎన్నికల్లో పార్టీ ఓటమికి తమదే నైతిక బాధ్యత. ప్రస్తుత పరిస్థితుల్లో రాహుల్ మాత్రమే పార్టీని నడిపించగలడని మేము నమ్ముతున్నాం. మన దేశ శ్రేయస్సు పట్ల నిబద్ధత, రాజీలేని తత్వం ఆయనలో ఉన్నాయి. ఆయనకు మరొకరు సాటిరారు. "
- అశోక్ గెహ్లోత్, రాజస్థాన్ ముఖ్యమంత్రి.
2019 ఎన్నిక్లలో కాంగ్రెస్ పార్టీ ఓటమి తన కార్యక్రమాలు, విధానాలు, ఆలోచనలతో కాదన్నారు గెహ్లోత్. ప్రభుత్వ వనరులతో భాజపా తన తప్పులను జాతీయ వాదం వెనక దాచిపెట్టిందని ఆరోపించారు.
