భారత్ ప్రతిష్ఠాత్మకంగా చేపట్టిన చంద్రయాన్-2 ప్రాజెక్టులో తుది ఘట్టం మినహా మిగతా కార్యకలాపాలన్నీ ప్రణాళికాబద్ధంగా జరిగాయని చెప్పారు ఇస్రో మాజీ ఛైర్మన్ కిరణ్ కుమార్. చంద్రయాన్-2 ఆర్బిటర్ అత్యుత్తమ ఫలితాలు సాధించగల సమర్థవంతమైనదని తెలిపారు. దశాబ్ద కాలం క్రితం నిర్వహించిన చంద్రయాన్-1 ప్రయోగంలోని ఆర్బిటర్తో పోల్చితే చంద్రయాన్-2 ఆర్బిటర్లో క్లిష్టమైన సాధనాలు సమకూర్చినట్లు వివరించారు కిరణ్. చంద్రయాన్ ప్రాజెక్టులలో వినియోగించిన సాధనాల గురించి సరళంగా చెప్పారు.
చంద్రయాన్-1లో ఉపయోగించిన నాసా జేపీఎల్ పరికరాలతో పోల్చితే.. చంద్రయాన్-2 పరికరాలు మెరుగైన పనితీరు కనబరిచాయని వివరించారు. వీటి పరిధి మూడు మైక్రాన్ల నుంచి ఐదు మైక్రాన్లుగా ఉందన్నారు.
వీటితో మెరుగైన ఫలితాలు..
చంద్రయాన్-1లో ఒక సింథటిక్ అపెర్చుర్ రాడార్ను వినియోగిస్తే... చంద్రయాన్-2లో రెండు ఫ్రీక్వెన్సీ రాడార్లను ఉపయోగించారని, ఇవి మెరుగైన ఫలితాలకు దోహదపడతాయని పేర్కొన్నారు కిరణ్. అత్యంత నాణ్యమైన కెమెరాలు వాడినట్లు తెలిపారు.
చంద్రయాన్-2 ప్రాజెక్టు చివరి ఘట్టంలో చంద్రుని ఉపరితలానికి 2.1 కిలోమీటర్ల దూరంలో ల్యాండర్ విక్రమ్తో సంబంధాలు తెగిపోయాయి. సంబంధాలు పునరుద్ధరించేందుకు ఇస్రో తీవ్రంగా శ్రమిస్తోంది.
ఇదీ చూడండి: 'మోదీ ప్రభుత్వం అధికార దుర్వినియోగం చేస్తోంది'
