ప్రియాంకా గాంధీ పర్సనల్ సెక్రటరీ సందీప్ సింగ్ సహా ఉత్తర్ప్రదేశ్ కాంగ్రెస్ అధ్యక్షుడు అజయ్ కుమార్ లల్లుపై యూపీ పోలీసులు కేసు నమోదు చేశారు. వీరిరువురితో పాటు మరికొందరిపై ఫోర్జరీ సహా పలు అభియోగాలతో హజ్రత్గంజ్ పోలీసులు ఎఫ్ఐఆర్ దాఖలు చేశారు.
ఎందుకోసమంటే?
వలస కార్మికులను స్వస్థలాలకు చేర్చేందుకు వెయ్యి బస్సులు నడుపుతామని కాంగ్రెస్ ఇదివరకే ముందుకొచ్చింది. ఇందుకోసం యూపీ సీఎం యోగి అనుమతి కోరుతూ ప్రియాంకా గాంధీ లేఖ రాశారు. ప్రియాంక విజ్ఞప్తిని మన్నించిన ఆయన.. సోమవారం ఆదేశాలు జారీ చేసింది. బస్సుల వివరాలు చెప్పాలని సూచించింది.
అయితే కాంగ్రెస్ నడిపేందుకు తీసుకొచ్చిన వెయ్యి బస్సుల్లో కొన్నింటి రిజిస్ట్రేషన్లు ద్విచక్రవాహనాలు, కార్లు, ఆటోలకు సంబంధించినవని యూపీ ప్రభుత్వం ఆరోపించింది. ఈ మేరకు రోడ్డు రవాణా అధికారి ఆర్పీ త్రివేది ఇచ్చిన ఫిర్యాదు ఆధారంగా పోలీసులు కేసు నమోదు చేసినట్లు తెలిపారు అధికారులు.
ఇదీ చదవండి: ప్రియాంక ఆఫర్కు సై అన్న యోగి సర్కార్!
