పాకిస్థాన్ నుంచి భారత భూభాగంలోకి చొరబడిన ఆరుగురు యువకులను సరిహద్దు దళాలు శుక్రవారం అదుపులోకి తీసుకున్నాయి. ఈ మేరకు అధికారిక వర్గాలు వెల్లడించాయి. చొరబాటుదారులు అందరూ 20 లేదా 21 ఏళ్ల వయసు గల వారని అధికారులు పేర్కొన్నారు.
సాయంత్రం 5 గంటలకు పంజాబ్లోని అమృత్సర్ సరిహద్దు వద్ద వీరిని అదుపులోకి తీసుకున్నారని స్పష్టం చేశారు. ప్రస్తుతం చొరబాటు వెనుక గల కారణాలపై దర్యాప్తు చేపడుతున్నారని తెలిపారు.
పాక్కు అప్పగింత..
డిసెంబరు 31న పాక్ ఆక్రమిత కశ్మీర్ (పీఓకే) నుంచి దారితప్పి ఓ వ్యక్తి భారత సరిహద్దులోకి ప్రవేశించాడు. సైన్యం అతడిని తిరిగి పాక్కు అప్పగించిందని అధికారిక వర్గాలు శుక్రవారం వెల్లడించాయి. అలీ హైదర్ అనే ఆ యువకుడు పీఓకేలోని మిర్పూర్ గ్రామానికి చెందిన వాడని తెలిపాయి.
ఇదీ చదవండి : తల్లీబిడ్డలను మోస్తూ మంచులో 3.5కి.మీ నడక
