విద్యార్థుల 'వ్యర్థ కళ'కు ప్రపంచ గుర్తింపు

ఒడిశా బర్హంపుర్​ ఐటీఐ విద్యార్థుల కృషికి ప్రపంచ వ్యాప్తంగా గుర్తింపు లభించింది. పనికిరాని వ్యర్థాలతో విద్యార్థులు క్యాంపస్​లో రూపొందించిన పార్కు 'ఏషియన్​ బుక్ ఆఫ్ రికార్డ్స్​'లో చోటు దక్కించుకుంది.

వ్యర్థాలతో కళాఖండాలను తయారు చేసి ఔరా అనిపిస్తున్నారు ఒడిశా బర్హంపుర్​లోని ఐటీఐ విద్యార్థులు. నగరంలో వివిధ ప్రాంతాల్లో లభ్యమైన ఇనుప​ వ్యర్థాలతో అద్భుతాలు సృష్టించారు. వాళ్లు రూపొందించిన వ్యర్థాల పార్కు ఇప్పుడు ఆసియాలోనే అతి పెద్ద వ్యర్థాల పార్కుగా నిలిచింది. ప్రఖ్యాత 'ఏషియన్ బుక్​ ఆఫ్​ రికార్డ్స్​'లో చోటు దక్కించుకుంది.

వ్యర్థాలతో విద్యార్థులు రూపొందించిన కళాఖండాలు

10వేల చదరపు అడుగుల విస్తీర్ణం ఉండే ఈ పార్కులో స్పేస్​ షటిల్ మ్యూజియంతోపాటు, జిరాఫీ, రోబో, గిటార్​, ఐరన్​ మ్యాన్​, డాల్ఫిన్​, తాబేలు, హెలికాప్టర్, బ్లాక్ టెయిల్​ జింక తదితర ఆకృతులు ఉన్నాయి.
చదువుతోపాటు సృజనాత్మకత

విద్యార్థుల కృషికి దక్కిన గుర్తింపు

బర్హంపుర్​లోని ఐటీఐలో చదువుకునే విద్యార్థులు ప్రత్యేక నైపుణ్యాలను అలవరుచుకున్నారు. ముఖ్యంగా వ్యర్థాలకు వారి సృజనాత్మకతను జోడించి అద్భుతమైన ఆకృతులను రూపొందించటంలో విశేష గుర్తింపు పొందారు. వీరు తయారు చేసిన కళాఖండాలతో క్యాంపస్​ను ఒక పర్యటక స్థలంగా మార్చారు.