వలస కార్మికులతో వస్తున్న రైళ్లను బంగాల్లోకి రానివ్వకపోతే వారికి అన్యాయం జరుగుతుందని కేంద్ర హోం మంత్రి అమిత్ షా రాసిన లేఖపై స్పందించారు ఆ రాష్ట్ర ముఖ్యమంత్రి మమతా బెనర్జీ. 8 శ్రామిక్ రైళ్లను రాష్ట్రంలోకి అనుమతిస్తూ మమతా ప్రభుత్వం ప్రకటన విడుదల చేసింది.
లేఖాస్త్రం ఇలా..
ఉపాధికోసం ఇతర రాష్ట్రాలకు వెళ్లి లాక్డౌన్తో అక్కడే చిక్కుకున్న వారిని ఇటీవల సొంత రాష్ట్రాలకు తరలించే కార్యక్రమాన్ని ప్రారంభించింది కేంద్రం. ఇందుకోసం శ్రామిక్ రైళ్లను నడుపుతోంది. అయితే ఈ రైళ్లను తమ రాష్ట్రంలోకి వచ్చేందుకు అనుమతి ఇవ్వడం లేదు బంగాల్. ఈ విషయంపై ప్రభుత్వాన్ని విమర్శిస్తూ మమతాకు లేఖ రాశారు షా.
వలస కూలీలును అడ్డుకుని వారికి మరిన్ని కష్టాలు తెచ్చిపెడుతున్నారంటూ ఆ లేఖలో పేర్కొన్నారు షా. కూలీలను తరలించేందుకు తాము ప్రయత్నం చేస్తున్నా బంగాల్ తమతో సహకరించడం లేదని ఆరోపించారు.
ఇదీ చూడండి:భారత్లో 1981కి పెరిగిన కరోనా మరణాలు
