నూతన వ్యవసాయ చట్టాల వ్యతిరేక పోరులో తానూ గళం వినిపించడానికి ఓ రైతు ఏకంగా 24 గంటల్లో 250 కి.మీ. సైకిల్పై ప్రయాణించారు. పాటియాలాకు చెందిన 67 ఏడేళ్ల అమర్జీత్ సింగ్ అనే రైతు.. తన సొంత ఊరి నుంచి నిరసన ప్రాంతానికి పయనమై వచ్చారు. ఆయనతో పాటు మరో పది మంది సైతం 24 గంటల వ్యవధిలోనే దిల్లీకి చేరుకున్నారు.
పంజాబ్లో చీఫ్ ఇంజినీర్గా పనిచేశారు అమర్జీత్ సింగ్. పదవీ విరమణ తర్వాత వ్యవసాయం చేస్తున్నారు. రైతులకు మద్దతు తెలిపేందుకు తన స్నేహితులతో కలిసి వచ్చినట్లు తెలిపారు అమర్జీత్. మూడు చట్టాలను ప్రభుత్వం వెనక్కి తీసుకోవాలని డిమాండ్ చేశారు.
"నా వయసు ఉన్న వ్యక్తి సైకిల్పై వస్తే ఇక్కడ నిరసన చేస్తున్న రైతులకు ఉత్సాహం లభిస్తుంది. ఇళ్లలో ఉన్నవారికి కూడా ఆందోళనలో పాల్గొనేందుకు ప్రేరణ ఇస్తుంది. తద్వారా ఆందోళన ఉద్ధృత రూపం సంతరించుకుంటుంది. ఆందోళన స్థాయి పెరిగితే ప్రభుత్వం దిగి వస్తుంది."
-అమర్జీత్ సింగ్, రైతు
లాక్డౌన్ సమయంలో పార్లమెంట్లో చర్చించకుండానే చట్టాలను ఆమోదించారని అన్నారు అమర్జీత్. రైతుల పోరాటం తప్పక విజయం సాధిస్తుందని ధీమా వ్యక్తం చేశారు.
ఇదీ చదవండి: చలిని లెక్కచేయకుండా.. సాగుతున్న రైతన్న పోరాటం
