జూన్​ 23 నుంచి అమర్​నాథ్​ యాత్ర

అమర్​నాథ్ యాత్ర తేదీలను ప్రకటించింది ఆలయ ట్రస్ట్​ బోర్డు. ​జూన్​ 23న యాత్ర ప్రారంభంకానుండగా.. ఏప్రిల్​ 1 నుంచి రిజిస్ట్రేషన్​ ప్రక్రియ మొదలవుతుంది. ఈ సంవత్సరం 42 రోజుల పాటు యాత్ర సాగుతుందని పేర్కొంది ట్రస్ట్​.

మహా శివుడికి ప్రతిరూపమైన సహజసిద్ధ మంచు శివలింగాన్ని దర్శించుకునే అమర్‌నాథ్ యాత్ర ఈ ఏడాది మొత్తం 42 రోజులు కొనసాగనుంది. కశ్మీర్ దక్షిణ హిమాలయాల్లోని ఈ యాత్రను జూన్ 23న ప్రారంభించబోతున్నట్లు అమర్‌నాథ్ ఆలయ ట్రస్ట్ బోర్డ్ ప్రకటించింది.

రెండు రోజులు ఆలస్యంగా..

గతేడాది జూన్ 21న ఈ యాత్ర ప్రారంభం కాగా... ఈసారి రెండు రోజులు ఆలస్యంగా ప్రారంభం కానుంది. 2019లో ఈ యాత్ర 60 రోజులు సాగగా... ఈసారి 42 రోజుల్లోనే ముగించనున్నారు. గతేడాది ఉగ్ర దాడులు జరగవచ్చనే అనుమానంతో... ఆగస్ట్ 2న అమర్‌నాథ్ యాత్రికుల్ని హడావిడిగా జమ్ము నుంచి తరలించారు. తీవ్ర నిరాశతో పెద్ద సంఖ్యలో భక్తులు వెనుదిరిగారు.