మహిళలపై ఆకతాయిల అకృత్యాలు దేశంలో ఎక్కడో ఒకచోట వెలుగుచూస్తూనే ఉన్నాయి. తాజాగా ఓ ఆర్టీసీ బస్సు కండక్టర్.. మహిళా ప్రయాణికురాలితో అసభ్యంగా ప్రవర్తించిన ఘటన కర్ణాటక దక్షిణ కన్నడ జిల్లాలో చోటు చేసుకుంది. అతని వికృత చేష్టలను వీడియో తీసి సామాజిక మాధ్యమాల్లో పోస్ట్ చేసింది ఆ మహిళ. ప్రస్తుతం ఈ దృశ్యాలు వైరల్గా మారాయి.
ఇదీ జరిగింది..
బెంగళూరు నుంచి పుత్తూర్కు వెళ్తున్న కర్ణాటక రాష్ట్ర రవాణా సంస్థకు చెందిన ఓ బస్సులో ప్రయాణిస్తున్న మహిళ పట్ల అసభ్యంగా ప్రవర్తించాడు ఆ బస్సు కండక్టర్. ఒంటరిగా ఉన్న మహిళ పక్కన కూర్చొని.. వికృత చేష్టలకు పాల్పడ్డాడు. ఆమె శరీర భాగాలను తాకేందుకు ప్రయత్నిస్తూ అసభ్యంగా ప్రవర్తించాడు. కండక్టర్ చర్యలను వీడియో తీసిన సదరు మహిళ.. వాటిని సామాజిక మాధ్యమాల్లో పోస్ట్ చేసింది. ప్రస్తుతం ఆ దృశ్యాలు వైరల్గా మారాయి.
ఈ దృశ్యాలు కేఎస్ఆర్టీసీ అధికారులకు చేరాయి. వీడియో ఆధారంగా దర్యాప్తు ప్రారంభించారు.
ఇదీ చూడండి: వినూత్నం: హాల్టికెట్ లాంటి పెండ్లిపత్రిక..!
