'డాకు మహారాజ్' హిందీ వెర్షన్- అక్కడ కూడా 'జై బాలయ్య'

డాకు మహారాజ్ హిందీ వెర్షన్ రిలీజ్​- సినిమాకు పాజిటివ్ టాక్

Daaku Maharaj Hindi : నందమూరి బాలకృష్ణ హీరోగా తెరకెక్కిన సినిమా 'డాకు మహారాజ్'. డైరెక్టర్ బాబీ ఈ సినిమాను తెరకెక్కించారు. సంక్రాంతి కానుకగా జనవరి 12న రిలీజైన ఈ సినిమా తెలుగులో భారీ విజయం దక్కించుకుంది. తెలుగులో పాజిటివ్ టాక్ సంపాదించుకున్న డాకు మహారాజ్ సినిమాను జనవరి 24(శుక్రవారం)న మేకర్స్​ హిందీ వెర్షన్​లో రిలీజ్ చేశారు. అక్కడ కూడా ఈ సినిమాకు పాజిటివ్ రెస్పాన్స్​ వచ్చింది. గుడ్ టాక్​తో దూసుకెళ్తోంది.

నార్త్ నటులు ఊర్వశీ రౌతేలా, బాబీ దేఓల్ కీలక పాత్రల్లో నటించడం ఈ సినిమాకు ప్లస్ పాయింట్ అయ్యింది. హిందీ రిలీజ్​కు ముందే 'డాకు మహారాజ్​' నార్త్​లో ఫుల్ క్రేజ్ సంపాదించుకుంది. బాలయ్యతో యంగ్ బ్యూటీ ఊర్వశీ రౌతేలా స్పెషల్ సాంగ్​లో స్టెప్పులేయడం ప్రేక్షకుల్లో జోష్ నింపింది. ఈ పాట లిరికల్ వీడియో హిందీలోనూ తెగ వైరల్ అయ్యింది.

అలాగే డాకు మహారాజ్ సినిమాలో బాలయ్య యాక్షన్ సన్నివేశాలు, తమన్ సంగీతానికి హిందీ ఫ్యాన్స్ కూడా ఫిదా అయిపోతున్నారు. ఇప్పటివరకు తెలుగుకే పరిమితమైన బాలయ్య, తొలి సినిమాతోనే హిందీలో ఫుల్ రెస్పాన్స్​ అందుకుంటున్నారు. దీంతో నందమూరి అభిమానులు ఫుల్ ఖుషీ అవుతున్నారు. ఫ్యూచర్​లో బాలయ్య కూడా పాన్ఇండియా లెవెల్​లో సినిమాలు తీయాలంటూ కామెంట్లు పెడుతున్నారు.

ఉత్తరాదిలో 'డాకు మహారాజ్'​కు వస్తున్న స్పందన పట్ల దర్శకుడు బాబీ కొల్లి స్పందించారు. 'డాకు మహారాజ్ హిందీ వెర్షన్‌కు ఇంత అద్భుతమైన స్పందన రావడంపై మేము చాలా సంతోషంగా ఉన్నాం. త్వరలో మిమ్మల్ని కలవడానికి ఉత్సాహంగా ఉన్నాము!' అని ఎక్స్​లో పోస్టు చేశారు. కాగా, ఈ సినిమాను ఉత్తరాదిలో కూడా ప్రమోట్ చేసి పెద్ద సక్సెస్ సాధించాలని మేకర్స్ కూడా భావిస్తున్నారు.

We are thrilled to receive such incredible positive feedback for the Hindi version of #DaakuMaharaaj. We are truly grateful and excited to meet you very very soon! 🤩 ❤️#BlockbusterHuntingDaakuMaharaaj https://t.co/KYOB6DxpuU

— Bobby (@dirbobby) January 25, 2025

సినిమా విషయానికొస్తే, ఇప్పటికే రూ.160 కోట్లు వసూళ్లు సాధించింది. ఫుల్ మాస్ యాక్షన్ ఎంటర్టైనర్​గా డైరెక్టర్ బాబీ కొల్లి తెరకెక్కించారు. ఈ మూవీలో ప్రగ్యా జైస్వాల్, శ్రద్ధ శ్రీనాథ్, ఊర్వశీ రౌతేలా కీలక పాత్రల్లో నటించారు. బాలీవుడ్ స్టార్ నటుడు బాబీ దేఓల్ కీలక పాత్రలో కనిపించారు. తమన్ సంగీతం అందించారు. సితార ఎంటర్టైన్మెంట్ బ్యానర్​పై నిర్మాత నాగవంశీ ఈ సినిమాను రూపొందించారు.