దేశంలో పలు రాష్ట్రాల్లో భారీ వర్షాలు కురుస్తున్నాయి. ఉరుములు, మెరుపులతో కూడిన వానల కారణంగా బిహార్, ఉత్తర్ప్రదేశ్ రాష్ట్రాల్లో పిడుగులు పడి 28 మంది మృతి చెందారు.
బిహార్లో 15 మంది...
బిహార్లో భారీ వర్షాల కారణంగా కారణంగా రాష్ట్రంలోని ఆరు జిల్లాల్లో పిడుగులు పడ్డాయి. ఈ ఘటనల్లో 15 మంది మృతి చెందారు.
గోపాల్గంజ్, భోజ్పుర్, రోహ్తాస్ జిల్లాల్లో ముగ్గురి చొప్పున.. అలాగే సరన్, కైమూర్, వైశాలి జిల్లాల్లో ఇద్దరి చొప్పున మరణించారు.
మృతులకు సంతాపం తెలిపిన బిహార్ ముఖ్యమంత్రి నితీశ్ కుమార్.. ఒక్కొక్క కుటుంబానికి రూ.4 లక్షలు పరిహారంగా ఇవ్వనున్నట్లు ప్రకటించారు.
ఈ ఏడాది పిడుగుల కారణంగా రాష్ట్రవ్యాప్తంగా మొత్తం 330 మంది మృతి చెందారు.
యూపీలో 13 మంది మృతి...
ఉత్తర్ప్రదేశ్లో కూడా పిడుగులు పడి మంగళవారం 13 మంది మృతి చెందినట్లు ఆ రాష్ట్ర అధికారులు తెలిపారు. ఖాజీపూర్‌లో నలుగురు, కౌశాంబిలో ముగ్గురు, ఖుషీనగర్, చిత్రకూట్‌లో ఇద్దరు, జౌన్‌పూర్, చందౌలిలో ఒకరి చొప్పున మరణించారని వెల్లడించారు. మృతుల కుటుంబాలకు 4 లక్షల రూపాయల చొప్పున పరిహారం ఇవ్వాలని ఆ రాష్ట్ర ముఖ్యమంత్రి యోగి ఆదిత్యనాథ్ అధికారులను ఆదేశించారు.
ఇదీ చూడండి 'దేశంలోని రెండు కరోనా వ్యాక్సిన్లు అత్యంత సురక్షితం'
