'బెంగళూరు టెక్ సదస్సు-2020'ను ప్రధాని నరేంద్రమోదీ గురువారం వీడియో కాన్ఫరెన్స్ ద్వారా ప్రారంభించనున్నారు. ఈ సదస్సును కర్ణాటక ప్రభుత్వం, కర్ణాటక ఇన్నోవేషన్ టెక్నాలజీ సొసైటీ, రాష్ట్ర విజన్ గ్రూప్ సంయుక్తంగా నిర్వహిస్తున్నాయి. ఈ నెల 19 నుంచి 21 వ‌ర‌కు ఈ సదస్సు జ‌రగ‌నుంది. ఈసారి సదస్సుకు 'నెక్స్ట్ ఈజ్ నౌ’ అనే థీమ్ను ఎంచుకున్నారు. కరోనా అనంతరం మానవాళికి ఎదురయ్యే సవాళ్లు.. ఐటీ, బయోటెక్నాలజీ తదితర అంశాలపై ఇందులో చర్చించనున్నారు.
ఈ సదస్సులో ఆస్ట్రేలియా ప్రధాని స్కాట్ మారిస‌న్‌, స్విజర్లాండ్ ఉపాధ్య‌క్షుడు గైప‌ర్మెలిన్తో పాటు, అంత‌ర్జాతీయ స్థాయి ప్ర‌ముఖలు పాల్గొననున్నారు. వీరితో పాటు, దేశ విదేశాల్లోని పారిశ్రామిక ప్రముఖులు, టెక్నోక్రాట్స్‌, ప‌రిశోధ‌కులు, విద్యారంగ నిపుణులు ఈ సదస్సుకు హాజరుకానున్నారు.
