కశ్మీర్​లో ఎదురుకాల్పులు- జవాను వీరమరణం

జమ్ముకశ్మీర్​లోని పూంఛ్​లో ఎన్​కౌంటర్​ జరిగింది. ముష్కరుల కాల్పుల్లో ఓ జవాను అమరుడయ్యారు.

జమ్ముకశ్మీర్​ పూంఛ్​లో​ ఎదురుకాల్పులు జరిగాయి. భటా ధూరియన్ గ్రామంలో ఉగ్రవాదులు, భద్రతా దళాల మధ్య జరిగిన కాల్పుల్లో.. ఓ జవాను వీరమరణం పొందినట్లు అధికారులు తెలిపారు. ఎన్​కౌంటర్​ జరిగిన ప్రాంతమైన దేరా కి గాలీలో సోమవారం కూడా కాల్పులు జరిగాయి. ఇందులో ఐదుగురు సైనికులు ప్రాణాలు కోల్పోయారు.

భీంబర్ గాలిలోని ఆర్మీ ఇన్‌స్టాలేషన్​కు సమీపంలో ఉన్న భటా ధూరియన్ గ్రామంలో అధికారులు సెర్చ్​ ఆపరేషన్​ను నిర్వహించారు. ఈ క్రమంలోనే కాల్పులు జరిగాయి. ఒక జవాను చనిపోయారు. మరికొందరికి గాయాలయ్యాయి.

ఘటనాస్థలికి సమీపంలో ఉన్న ప్రాంతాన్ని సైన్యం తమ అధీనంలోకి తెచ్చుకుంది.

ఇదీ చూడండి: 'మరోసారి మెరుపుదాడులు తప్పవు'- పాక్​కు​ షా హెచ్చరిక!