ఆ 'తుక్కు బండి' ఇస్తే బొలెరో ఫ్రీ- ఆనంద్​ మహీంద్రా బంపర్​ ఆఫర్!

Anand Mahindra Bolero: సృజనాత్మకత, కొత్త ఆవిష్కరణలకు ప్రోత్సాహంలో.. ప్రముఖ పారిశ్రామికవేత్త ఆనంద్ మహీంద్రా ముందుంటారని మరోసారి రుజువైంది. మహారాష్ట్రకు చెందిన ఓ వ్యక్తి తన కుమారుడి ముచ్చట తీర్చేందుకు తుక్కుతో నాలుగు చక్రాల వాహనం తయారుచేశారు. సంబంధిత కథనాన్ని ఈటీవీ భారత్​ ప్రచురించింది. ఆయన క్రియేటివిటీని మెచ్చుకున్న మహీంద్రా.. ఆ వాహనాన్ని తనకు ఇస్తే అందుకు బదులుగా బొలెరో ఇస్తానంటూ బంపర్‌ ఆఫర్‌ ప్రకటించారు.

Anand Mahindra Bolero: మహారాష్ట్రలోని సంగ్లీ జిల్లా దేవ్‌రాష్ట్రే గ్రామానికి చెందిన దత్తాత్రేయ లోహర్‌.. స్థానికంగా కంసాలి పని చేస్తూ కుటుంబాన్ని పోషిస్తున్నారు. ఆయన కుమారుడికి కారు ఎక్కాలని చిన్నప్పటి నుంచి కోరిక. అయితే అంత స్తోమత లేని దత్తాత్రేయ తుక్కు వాహనాల విడి భాగాలు సేకరించి.. సొంతంగా ఓ నాలుగు చక్రాల వాహనం తయారుచేశారు. బైక్ తరహాలో కిక్‌ ఇస్తే స్టార్ట్‌ అయ్యేలా దీన్ని తయారుచేశారు.

Anand Mahindra Bolero tweet: ఈ కథనాన్ని ఈటీవీ భారత్​ మహారాష్ట్ర డిసెంబర్​ 20న ప్రచురించింది. ఇతర సామాజిక మాధ్యమాల ద్వారా ఈ వాహనం ఆనంద్‌ మహీంద్రా దృష్టిలో పడింది. ఈ వీడియోను తన ట్విట్టర్​ ఖాతాలో షేర్‌ చేసిన మహీంద్రా వాహనాన్ని తయారు చేసిన వ్యక్తి నైపుణ్యాన్ని మెచ్చుకున్నారు. వాహనం ఆటోమొబైల్ నిబంధనలను అందుకోలేకపోయినప్పటికీ మన దేశ ప్రజల తెలివితేటలు, తక్కువ వనరులతో ఎక్కువ పనిచేసే సామర్థ్యాన్ని మెచ్చుకోకుండా ఉండలేకపోతున్నానని ట్వీట్ చేశారు.

తుక్కుతో నాలుగు చక్రాల వాహనం రూపొందించిన దత్తాత్రేయ

నిబంధనలకు అనుగుణంగా లేని కారణంగా స్థానిక అధికారులు ఇప్పుడైనా, తర్వాతైనా ఈ వాహనాన్ని రోడ్డుపైకి రాకుండా అడ్డుకుంటారన్నారు ఆనంద్ మహీంద్రా. ఈ బండిని తనకు ఇస్తే బదులుగా బొలెరో వాహనాన్ని ఇస్తానని.. ఆఫర్ ఇచ్చారు. దత్తాత్రేయ సృజనాత్మకతను మహీంద్రా రీసర్చ్‌ వ్యాలీలో ప్రదర్శనకు ఉంచుతామని, అది తమలో స్ఫూర్తిని నింపుతుందంటూ ట్వీట్ చేశారు.

• This clearly doesn’t meet with any of the regulations but I will never cease to admire the ingenuity and ‘more with less’ capabilities of our people. And their passion for mobility—not to mention the familiar front grille pic.twitter.com/oFkD3SvsDt

  — anand mahindra (@anandmahindra) December 21, 2021 " class="align-text-top noRightClick twitterSection" data="

  This clearly doesn’t meet with any of the regulations but I will never cease to admire the ingenuity and ‘more with less’ capabilities of our people. And their passion for mobility—not to mention the familiar front grille pic.twitter.com/oFkD3SvsDt

  — anand mahindra (@anandmahindra) December 21, 2021

  ">

  This clearly doesn’t meet with any of the regulations but I will never cease to admire the ingenuity and ‘more with less’ capabilities of our people. And their passion for mobility—not to mention the familiar front grille pic.twitter.com/oFkD3SvsDt

  — anand mahindra (@anandmahindra) December 21, 2021

Anand Mahindra Tweet: ఆనంద్ మహీంద్రా ట్వీట్ ప్రస్తుతం నెట్టింట్లో వైరల్‌గా మారింది. దత్తాత్రేయ టాలెంట్‌ను పలువురు నెటిజన్లు అభినందిస్తున్నారు.

రెండేళ్లు తీవ్రంగా శ్రమించి..

తుక్కు సహా ద్విచక్ర వాహన విడి భాగాలతో నాలుగు చక్రాల వాహనం తయారుచేశారు దత్తాత్రేయ. ఈ కారు రోడ్డు వెంబడి జనాల్ని ఆకర్షించింది.

ఈ కారు రూపొందించడం కోసం రెండేళ్లు తీవ్రంగా శ్రమించారు దత్తాత్రేయ. ద్విచక్రవాహన ఇంజిన్​, రిక్షా చక్రాలు, ఇతర విడి భాగాలతో ఎట్టకేలకు జీపు లాంటి వాహనాన్ని సృష్టించారు. ఇప్పుడు ఇది రోడ్డుపై పరుగులు పెడుతోంది.

పాతకాలపు జీపులా కనిపించే ఈ వాహనం.. నానో కారు కంటే పరిమాణంలో చాలా చిన్నగా ఉంటుంది. స్టీరింగ్​ను ఎడమవైపు ఏర్పాటు చేశారు. పెట్రోల్​తో నడిచే ఈ వాహనం.. లీటర్​ పెట్రోల్​తో 40- 45 కిలోమీటర్ల మైలేజ్​ ఇస్తుందంట. గంటకు 40 కిలోమీటర్ల వేగంతో వెళ్లగలదు.

ఇవీ చూడండి: 'ఈ వీడియో చూస్తే ఎలాన్​ మస్క్​కు షాకే'