Amit Shah Sister Passed Away : పండుగ వేళ కేంద్ర హోం మంత్రి అమిత్ షా ఇంట్లో తీవ్ర విషాదం నెలకొంది. గత కొన్ని రోజులుగా అనారోగ్యంతో బాధపడుతున్న ఆయన సోదరి రాజేశ్వరిబెన్ (60) ముంబయిలోని ఓ ఆస్పత్రిలో చికిత్స పొందుతూ సోమవారం తెల్లవారుజామున కన్నుమూశారు. రాజేశ్వరిబెన్ భౌతిక కాయాన్ని ఆమె నివాసానికి సోమవారం ఉదయం తీసుకువచ్చారు.
అహ్మదాబాద్లో ఆదివారం నుంచి అమిత్ షా బీజేపీ కార్యకర్తలతో సంక్రాంతి జరుపుకుంటున్నారు. సోమవారం బనస్కాంత, గాంధీనగర్ జిల్లాల్లో రెండు కార్యక్రమాలకు హాజరు కావాల్సి ఉంది. కానీ ఇంతలోనే ఆయన అక్క మరణించడం వల్ల అమిత్ షా తన కార్యక్రమాలన్నీ రద్దు చేసుకున్నారు.
