భారత వైమానిక దళాధిపతి (Chief of Air Staff) ఎయిర్చీఫ్ మార్షల్ ఆర్కేఎస్ భదౌరియా పదవీకాలం ముగియనున్న నేపథ్యంలో రక్షణ శాఖ కీలక ప్రకటన చేసింది. ఆయన స్థానంలో ఎయిర్మార్షల్ వివేక్ రామ్ చౌధరిని (Air Marshal VR Chaudhari) నియమించనున్నట్లు తెలిపింది. ఈ మేరకు రక్షణ శాఖ.. కేంద్ర ప్రభుత్వానికి వెల్లడించింది.
ఎయిర్మార్షల్ భదౌరియా పదవీకాలం ఈ సెప్టెంబర్ 30తో ముగియనుంది. ఆ తర్వాత ఎయిర్మార్షల్ వీఆర్ చౌధరి బాధ్యతలు చేపట్టనున్నారు. ఎయిర్మార్షల్ చౌధరీ ప్రస్తుతం ఎయిర్ఫోర్స్ వైస్ చీఫ్గా సేవలందిస్తున్నారు.
ఎయిర్ మార్షల్ చౌధరి 1982 డిసెంబర్‌ 29న భారత వాయుసేనలోకి ప్రవేశించారు. పలు రకాల ఫైటర్‌ జెట్‌లతో పాటు ట్రైనర్‌ ఎయిర్‌క్రాఫ్ట్‌లలో 3800 గంటలకుపైగా ప్రయాణించిన అనుభవం ఆయనకు ఉందని భారత వాయుసేన ఓ ప్రకటనలో వెల్లడించింది. ఆయన నేషనల్‌ డిఫెన్స్‌ అకాడమీ, వెల్లింగ్టన్‌లోని డిఫెన్స్‌ సర్వీస్‌ స్టాఫ్‌ కళాశాల పూర్వవిద్యార్థి కూడా. ఎయిర్ఫోర్స్ వైస్ చీఫ్గా బాధ్యతలు స్వీకరించటానికి ముందు పశ్చిమ ఎయిర్ కమాండ్‌కు అధిపతిగా విధులు నిర్వహించారు.
ఇదీ చదవండి: హైవేపై కండోమ్ల కేసులో ట్విస్ట్- సొరంగంలోనే వ్యభిచారం
