ముఖ్యమంత్రి యోగి ఆదిత్యనాథ్ నేతృత్వంలోనే 2022 ఉత్తర్ప్రదేశ్ అసెంబ్లీ ఎన్నికలకు వెళ్లాలని భాజపా నిర్ణయం తీసుకున్నట్లు పార్టీ ప్రధాన కార్యదర్శి బీ.ఎల్. సంతోష్ తెలిపారు. ఎన్నికల ముందు మార్పులు చేయకూడదని అన్నారు. ఈ విషయంపై గురువారం జేపీ నడ్డాతో చర్చ జరిపినట్లు పేర్కొన్నారు. సంఘ్ నేతలు కూడా యూపీలో క్షేత్రస్థాయి పరిస్థితుల వివరాలు సేకరించారని స్పష్టం చేశారు.
2022లో ఎన్నికలు జరగనున్న వేళ.. ఆ రాష్ట్ర భాజపా నేతల మధ్య భిన్నాభిప్రాయాలు వ్యక్తమయ్యాయి. స్థానిక ఎన్నికల్లో భాజపాకు ఆశించిన ఫలితాలు రాని నేపథ్యంలో ఈ సమస్య తలెత్తినట్లు సంతోష్ అన్నారు. ఈ విషయంపైనా పార్టీ నేతలతో, జేపీ నడ్డాతో చర్చించినట్లు వెల్లడించారు.
ఇదీ చదవండి:యూపీ భాజపాలో లుకలుకలు- యోగికి పార్టీ మద్దతు
