Train journey under engine: రైల్ఇంజిన్ కింద వేలాడుతూ వందల కిలోమీటర్లు ప్రయాణించాడు ఓ వ్యక్తి. ఇంజిన్ చక్రాలపై కూర్చొని 190 కిలోమీటర్లు ప్రయాణం చేశాడు. బిహార్లోని గయాకు చేరుకున్న తర్వాత డ్రైవర్ అతడిని గుర్తించాడు. ఆ యువకుడికి మతిస్థిమితంగా లేదని అధికారులు చెబుతున్నారు. పట్నా మీదుగా రాజ్గిర్ నుంచి వస్తున్న బుద్ధ పూర్ణిమ ఎక్స్ప్రెస్లో ఈ ఘటన జరిగింది.
వివరాల్లోకి వెళితే..: ఇంజిన్లో కూర్చున్న డ్రైవర్కు ఓ వ్యక్తి ఏడుస్తున్నట్లు శబ్దం వినిపించింది. గయా జంక్షన్లో రైలు ఆగిన తర్వాత ఇంజిన్ కింది భాగాన్ని ఓసారి పరిశీలించాడు డ్రైవర్. ఎవరో ఓ వ్యక్తి మంచినీళ్లు కావాలని అరుస్తున్నట్లు డ్రైవర్ గుర్తించాడు. టార్చ్లైట్ వేసి చూడగా.. ఇంజిన్ కింది భాగంలో కూర్చొని ఉన్న వ్యక్తిని చూశాడు. కొందరు ప్రయాణికుల సాయం తీసుకొని యువకుడిని బయటకు తీశాడు. అయితే, అంతలోనే ఆ యువకుడు అదృశ్యమయ్యాడు. యువకుడి వివరాలేవీ తెలియలేదు. యువకుడు ఎక్కడ రైలెక్కాడో తెలియదని అధికారులు చెప్పారు. ఈ విషయంపై డ్రైవర్.. రైల్వే పోలీసులకు సమాచారం అందించాడు.
రైల్వే పోలీసులు ఈ ఘటనపై పెద్దగా వివరాలు చెప్పలేదు. రాజ్గిర్లో యువకుడు రైలు ఎక్కి ఉంటాడని పోలీసులు భావిస్తున్నారు. యువకుడు క్షేమంగా ఇక్కడికి చేరడం ఆశ్చర్యంగా ఉందని అంటున్నారు.
ఇదీ చదవండి:
