తమిళనాడు, తూత్తుకుడిలో 23 కిలోల అంబర్ గ్రీస్(తిమింగలం వాంతి)పదార్థాన్ని డీఆర్ఐ అధికారులు జప్తు చేశారు. అంతర్జాతీయ మార్కెట్లో దీని విలువ రూ.23 కోట్లు ఉంటుందని అంచనా వేశారు.
తూత్తుకుడి తీరప్రాంతం నుంచి శ్రీలంకకు గుట్టు చప్పుడు కాకుండా అంబర్ గ్రీస్ను తరలించేందుకు యత్నించింది ఓ స్మగ్లింగ్ మూఠా. వాహన తనిఖీల్లో భాగంగా దీన్ని పోలీసులు గుర్తించారు. అక్రమంగా తరలిస్తున్న సద్దాం హుస్సెన్, పెరియసామి, ప్రభాకరణ్లను అరెస్ట్ చేశారు. ముగ్గురిని తూత్తుకూడిలోని కోర్టులో హాజరుపరిచారు. అక్కడి నుంచి పెరురాని జైలుకి తరలించారు.
అంబర్ గ్రీస్ గ్రీస్ అంటే..?
అంబర్ గ్రీస్ పదార్థం సాధారణంగా తిమింగలం జీర్ణవ్యవస్థలో తయారవుతుంది. అది వాంతి చేసుకున్నప్పుడు, ఉమ్మినప్పుడు బయటకు వస్తుంది. సెంట్లు, పర్ఫ్యూమ్ల తయారీలో దీనిని వినియోగిస్తారు. ఒక్క కిలో అంబర్ గ్రీస్కు రూ.కోట్లలో ధర ఉంటుంది. ఇండోనేషియా, ఇంగ్లాండ్లో ఈ పదార్థానికి విపరీతమైన డిమాండ్ ఉంది. అంబర్ గ్రీస్ను 1972 వన్యప్రాణుల చట్టం కింద నిషేధించారు.
ఇదీ చదవండి: Viral News: దశావతారాల గుర్తులతో తాబేలు- భక్తుల పూజలు
