అతి తక్కువ వయస్సులో ప్రాణాంతక కరోనాను జయించింది ఓ నవజాత శిశువు. యూపీలోని గాజియాబాద్కు చెందిన ఓ చిన్నారి.. పుట్టిన ఎనిమిది రోజులకే కరోనా బారిన పడింది. దీంతో శిశువును స్థానిక యశోద ఆసుపత్రిలో చేర్చారు. 15 రోజుల చికిత్స అనంతరం ఆ చిన్నారి.. కొవిడ్ను జయించినట్లు వైద్యులు తెలిపారు.
కరోనా సోకిన ఆ చిన్నారి శ్వాస తీసుకునేందుకు ఇబ్బంది పడినట్లు తల్లితండ్రులు తెలిపారు. 15 రోజుల అనంతరం పరీక్షించగా ఆ చిన్నారికి నెగెటివ్ వచ్చింది. ఆసుపత్రి నుంచి గురువారం డిశ్చార్జ్ చేస్తున్నట్లు వైద్యులు తెలిపారు.
మహమ్మారి నుంచి శిశువు కోలుకోపడంపై చిన్నారి తల్లిదండ్రులతో పాటు.. ఆసుపత్రి సిబ్బంది సైతం హర్షం వ్యక్తం చేస్తున్నారు.
ఇవీ చదవండి: కొవిడ్ మహమ్మారిని జయించిన వృద్ధ జంట
