రాజస్థాన్ చూరు జిల్లాలో సినిమాను తలపించేలా భారీ చోరీ జరిగింది. కేవలం 12 నిమిషాల్లోనే 17 కిలోల బంగారం, 9 లక్షల రూపాయలు దోచుకున్నారు దుండగులు. జిల్లా కేంద్రంలోని మణప్పురం గోల్డ్ లోన్ బ్రాంచ్లో ఆయుధాలతో ప్రవేశించి ఈ దుశ్చర్యకు పాల్పడ్డారు.
ఇదీ జరిగింది..
ద్విచక్రవాహనాలపై వచ్చిన నలుగురు దుండగులు జిల్లా కేంద్రంలోని శ్యామ్ సినిమా హాల్ సమీపంలోని మణప్పురం గోల్డ్ లోన్ బ్రాంచ్లోకి ప్రవేశించారు. అందులోని సిబ్బందిని తుపాకులతో బెదిరించి వారందరినీ శౌచాలయంలో బంధించారు. భవనంలోని అలారం ధ్వంసం చేశారు. సీసీటీవీ కెమెరాల వైర్లు కత్తిరించారు. బ్రాంచ్ ప్రధాన ద్వారం మూసివేసి బంగారం, నగదును తమ బ్యాగుల్లో సర్దుకున్నారు. అనంతరం అక్కడి నుంచి పరారయ్యారు.
సమాచారం అందుకున్న కొత్వాలి పోలీస్ స్టేషన్, సదర్ పోలీస్ స్టేషన్ సిబ్బంది సహా జిల్లా ఎస్పీ నారాయణ్ తొగస్ ఘటనాస్థలానికి చేరుకుని వివరాలు తెలుసుకున్నారు. స్థానికంగా ఉండే సీసీటీవీ కెమెరాలను పరిశీలించారు. ఫోరెన్సిక్ బృందాలను పిలిపించి ఆధారాలు సేకరించారు. దుండగుల కోసం గాలింపు చేపట్టామని, జిల్లా వ్యాప్తంగా పోలీసులను అప్రమత్తం చేసినట్లు తెలిపారు ఎస్పీ నారాయణ్.
ఇదీ చూడండి: Viral: ధూమ్ సినిమాను తలపించేలా చోరీ
