ఉత్తర్ప్రదేశ్లో శనివారం.. దారుణం జరిగింది. 12 ఏళ్ల బాలికపై ఓ కిరాతకుడు అత్యాచారానికి పాల్పడ్డాడు. బాలిక అత్త సహకారంతోనే నిందితుడు ఈ ఘోరానికి ఒడిగట్టడం గమనార్హం. ఈ కేసులో సదరు మహిళ సహా అత్యాచారానికి పాల్పడ్డ వ్యక్తిపై పోలీసులు కేసు నమోదు చేశారు.
ఏం జరిగింది?
గ్రేటర్ నోయిడాలోని తన తల్లి తరఫు బంధువుల ఇంటికి బాలిక వెళ్లింది. బాలిక అత్తయ్య తనను దురుద్దేశంతో వ్యవసాయ భూమి వద్దకు తీసుకువెళ్లింది. అక్కడ తనకు తెలిసిన ఓ వ్యక్తికి బాలికను అప్పగించి, అక్కడి నుంచి ఆమె వెళ్లిపోయింది. ఈ క్రమంలో బాలికపై సదరు వ్యక్తి అత్యాచారానికి పాల్పడ్డాడని డీసీపీ(మహిళా, శిశు సంరక్షణ) బృందా శుక్లా తెలిపారు. అనంతరం ఈ విషయాన్ని ఎవరికైనా చెప్తే చంపేస్తానని బెదిరించాడని చెప్పారు. ఈ ఘటనపై ధనకౌర్ పోలీసు స్టేషన్లో కేసు నమోదు చేశామన్నారు.
నిందితులను త్వరగా పట్టుకునేందుకు పోలీసు బృందాలను ఏర్పాటు చేశామని చెప్పారు.
ఇదీ చదవండి:పిల్లల్ని ఎత్తుకెళ్లే రాబందులు
