Train Hits Platform Viral Video : బ్రేకులు ఫెయిల్​.. ప్లాట్​ఫాంపైకి దూసుకొచ్చిన రైలు.. లక్కీగా..

Train Hits Platform Viral Video : బ్రేకులు ఫెయిల్ కావడం వల్ల ప్లాట్​ఫాంపైకి ఒక్కసారిగా దూసుకొచ్చింది ఓ రైలు. ఉత్తర్​ప్రదేశ్​లోని మథుర రైల్వేస్టేషన్​లో ఈ ఘటన జరిగింది. అయితే ఈ ప్రమాదంలో ఎలాంటి ప్రాణనష్టం జరగలేదని రైల్వే అధికారులు వెల్లడించారు. 
అధికారులు వెల్లడించిన వివరాల ప్రకారం.. శుకర్​ బస్తీ స్టేషన్​ నుంచి వచ్చిన ఈఎంయూ (ఎలక్ట్రిక్‌ మల్టిపుల్‌ యూనిట్‌) ప్యాసింజర్​ రైలు.. మంగళవారం రాత్రి 10.49 గంటలకు వచ్చి ఆగింది. ప్రయాణికులందరూ రైలు నుంచి దిగి వెళ్లిపోయారు. ఆ తర్వాత బ్రేకులు ఫెయిలై రెండో నంబర్​ ప్లాట్​ఫాంపైకి ఒక్కసారిగా దూసుకెళ్లింది. అనంతరం ప్లాట్​ఫాంపై ఉన్న కరెంట్ స్తంభాన్ని ఢీకొట్టి ఆగిపోయింది.

ప్రమాదం గురించి విషయం తెలిసిన వెంటనే రైల్వే అధికారులు ఘటనాస్థలికి చేరుకున్నారు. రైల్వే అధికారి అక్కడికక్కడే విచారణకు ఆదేశాలు జారీ చేశారు. ప్రమాదంలో ఎలాంటి ప్రాణనష్టం జరగకపోవడం వల్ల అంతా ఊపిరిపీల్చుకున్నారు. ఈ ఘటన వల్ల పలు రైళ్ల రాక ఆలస్యమైందని అధికారులు చెప్పారు. ప్రమాదం అనంతరం ప్రయాణికులంతా.. రైల్వే కంపార్ట్​మెంట్​లో కాసేపు సేదతీరారు. పెను ప్రమాదం తప్పిందని తెలిపారు.