క్యూలో నిలబడి నీళ్లు తాగిన పాములు.. వీడియో వైరల్​!

ఛత్తీస్‌గఢ్‌ కోర్బా జిల్లాలో ఓ వింత సంఘటన జరిగింది. జనావాసాల్లోకి రెండు నాగుపాములు వచ్చి కలకలం సృష్టించాయి. గ్రామస్థుల ద్వారా సమాచారం అందుకున్న స్నేక్​ రెస్క్యూ బృందం వాటిని పట్టుకుని ఓ బాక్సులో బంధించారు. అనంతరం వాటిని అడవిలో వదిలేందుకు తీసుకెళ్లారు. వాటిని బయటకు తీసే క్రమంలో పెట్టెలో అతివేడి కారణంగా అవి ఒక్కసారిగా బుసలు కొట్టడం ప్రారంభించాయి. దీంతో అవి తీవ్రమైన దాహంతోనే ఇలా చేస్తున్నాయని గమనించారు అధికారులు. ఆలస్యం చేయకుండా ప్లాస్టిక్​ బాటిల్లో నీరు తీసుకొచ్చి వాటి దాహార్తిని తీర్చారు అధికారులు. ఆశ్చర్యంగా ఒకటి తర్వాత ఒకటి క్యూలో నిలబడి మరీ నీళ్లను తాగాయి. అనంతరం వీటిని సురక్షితంగా అడవిలోకి వదిలారు రెస్క్యూ సిబ్బంది. ఈ దృశ్యాలను అక్కడే ఉన్న కొందరు వీడియో తీసి సోషల్​ మీడియాలో పోస్ట్​ చేశారు. ప్రస్తుతం ఈ వీడియో నెట్టింట వైరల్​గా మారింది. కాగా, గత రెండు మూడేళ్లుగా కోర్బా జిల్లాలోని వివిధ ప్రాంతాల్లో నాగుపాములు తరచూ దర్శనిమిస్తున్నాయి. వాటి సంఖ్య కూడా ప్రతి ఏడాది పెరుగుతూనే ఉంది. ఇలా జనావాస ప్రాంతాల్లో అవి కనిపించిన ప్రతిసారి వాటిని పట్టుకొని అడవుల్లోకి వదులుతున్నారు అధికారులు.