Allari Naresh Ugram Movie : ఒక్క పాట కోసం 25 మంది సింగర్లు.. స్కెచ్​ అదిరిందిగా!

నాంది తర్వాత విజయ్ కనకమేడల దర్శకత్వంలో హీరో అల్లరి నరేశ్​ నటించిన తాజా చిత్రం ఉగ్రం. పోలీసులపై గౌరవాన్ని చాటే కథాంశంతో షైన్ స్క్రీన్ పతాకంపై నిర్మించిన ఈ చిత్రం మే 5న ప్రేక్షకుల ముందుకు రాబోతుంది. ఈ సందర్భంగా చిత్ర బృందం ఉగ్రం ప్రచారాన్ని ముమ్మరం చేసింది. అందులో భాగంగా ప్రముఖ వ్యాఖ్యాత సుమను అరెస్టు చేసి పోలీసు వాహనంలో తీసుకెళ్లిన అల్లరి నరేశ్​.. సరదాగా తన చిత్ర విశేషాలను వివరిస్తూ ఉగ్రంపై ఆసక్తిని నెలకొనేలా చేశారు. అయితే ఈ సినిమాకు ప్రముఖ సంగీత దర్శకుడు శ్రీ చరణ్​ పాకాల బాణీలు సమకూర్చారు. ఈ చిత్రంలో టైటిల్​ ట్రాక్​ను సినీ ఇండస్ట్రీలోని 25 మంది సింగర్లు ఆలపించారట. వారితో పాటు శ్రీ చరణ్​ పాకాల కూడా గొంతు కలిపారట. ఈ విషయాన్ని ఆయనే స్వయంగా తెలిపారు. ఇది తెలుసుకున్న ఫ్యాన్స్​.. ఉగ్రం మువీ టైటిల్​ ట్రాక్​ అదిరిపోనుందని కామెంట్లు చేస్తున్నారు.