భాజపా నేత మేనకోడలిపై ఎద్దు దాడి

రోడ్డు మీద వెళుతున్న ఓ బాలికపైకి ఎద్దు దూసుకెళ్లింది. ఎర్ర చొక్కా ధరించిన ఆ అమ్మాయిపై దాడి చేసి.. కొమ్ములతో కుమ్మేసింది. కింద పడేసి దారుణంగా గిట్టలతో తొక్కేసింది. వెంటనే చుట్టుపక్కల ఉన్నవారు అక్కడి చేరుకొని.. ఎద్దును పక్కకు తరిమేశారు. తీవ్రంగా గాయపడ్డ బాలిక ప్రస్తుతం చికిత్స పొందుతోంది. హరియాణాలోని హిసార్ జిల్లాలో ఈ ఘటన జరిగింది. ఈ బాలిక.. స్థానిక భాజపా నేత కరణ్ సింగ్ రనోలియా మేనకోడలు అని సమాచారం.