గోకవరంలో పోలీస్ స్టేషన్ ఎదుట స్థానికుల ఆందోళన
తూర్పుగోదావరి జిల్లా గోకవరం పోలీసు స్టేషన్ ఎదుట స్థానికులు ధర్నాకు దిగారు. కొత్తపల్లి గ్రామానికి చెందిన ఓ వివాహిత స్నానం చేస్తుండగా... అదే గ్రామానికి చెందిన యువకుడు సెల్ ఫోన్లో వీడియో తీశాడు. ఇది గమనించిన వివాహిత కుటుంబ సభ్యులు చరవాణి లాక్కోగా.. యువకుడు అక్కడి నుంచి పరారయ్యాడు. దీనిపై స్థానిక పోలీస్ స్టేషన్లో ఫిర్యాదు చేశారు. అయితే పోలీసులు సరిగా స్పందించడం లేదని వివాహిత కుటుంబ సభ్యులు ఆరోపించారు. స్థానిక నాయకుడు జనపరెడ్డి బాబు ఆధ్వర్యంలో పొలీస్ స్టేషన్ ఎదుట ఆందోళన చేశారు. నిందితుడు పోలీసు ఉన్నతాధికారుల వద్ద డ్రైవర్గా పనిచేశాడని.. వారి ఒత్తిళ్లతోనే అతన్ని రక్షించే ప్రయత్నాలు జరుగుతున్నాయని అన్నారు. సీఐ పవన్ కుమార్ రెడ్డి న్యాయం జరిగేలా చూస్తానని నచ్చచెప్పడంతో ఆందోళన విరమించారు.
ఇదీ చదవండి:
