ఆడ్రియా టోర్నీ నిర్వహించినందుకు తాను పశ్చాత్తాపం చెందుతున్నట్లు చెప్పాడు స్టార్ టెన్నిస్ ప్లేయర్ నొవాక్ జకోవిచ్. బాల్కన్ వేదికగా జరిగిన ఈ టోర్నీలో పాల్గొన్న పలువురు క్రీడాకారులతో పాటు జకోవిచ్ కూడా కరోనా బారిన పడ్డారు. తనతో పాటు నిర్వహకులు దీనిని నిర్వహించడంలో విఫలమయ్యారని చెబుతూ క్షమాపణలు కోరుతూ ట్వీట్ చేశాడు.
- — Novak Djokovic (@DjokerNole) June 23, 2020 " class="align-text-top noRightClick twitterSection" data="
— Novak Djokovic (@DjokerNole) June 23, 2020
">— Novak Djokovic (@DjokerNole) June 23, 2020
"మీ అందరికీ ఇబ్బంది పెట్టినందుకు క్షమాపణలు కోరుతున్నాను. నేను, మా నిర్వహకులు స్వచ్ఛమైన మనసుతోనే ఈ ఎగ్జిబిషన్ టోర్నీని నిర్వహించాం. అన్ని రకాల జాగ్రత్తలు పాటించాం. కానీ అనూహ్య రీతిలో మా వల్ల పొరపాటు జరిగిపోయింది. మీకు ఎలా క్షమాపణలు చెప్పాలో కూడా అర్థం కావట్లేదు. దయచేసి ఈ టోర్నీకి హాజరైనవారంతా కొవిడ్-19 నిర్ధరణ పరీక్షలు చేయించుకోండి. భౌతిక దూరం పాటించండి"
-జకోవిచ్, సెర్బియా టెన్నిస్ స్టార్
కరోనా వ్యాప్తి తీవ్రమవుతున్న సమయంలో ఆటగాళ్లను ఓచోటకు చేర్చి టోర్నీ జరిపిన తీరుపై.. జకోవిచ్పై తీవ్రవిమర్శలు వెల్లువెత్తుతున్నాయి. అయితే ఈ ఎగ్జిబిషన్ టోర్నీలో పాల్గొన్నవారెవరూ భౌతిక దూరాన్ని పాటించలేదని తెలుస్తోంది. ఇప్పటికే విక్టర్, అతడి భార్య, ద్రిమితోవ్, బోర్నా కోరిక్, జకోవిచ్, అతని భార్యకు కరోనా సోకింది. ఈ పరిస్థితుల కారణంగా జరగాల్సిన తర్వాతి మ్యాచులను రద్దు చేశారు.
ఇది చూడండి : టెన్నిస్ స్టార్ నొవాక్ జకోవిచ్కు కరోనా
