ప్రపంచవ్యాప్తంగా కరోనా ప్రభావం తీవ్రమవుతున్న నేపథ్యంలో ఈ ఏడాది జరగాల్సిన విశ్వక్రీడల్ని వచ్చే ఏడాది జరపనున్నారు. అయితే దీని ప్రభావం 2024లో జరిగే పారిస్ ఒలింపిక్స్పై ఏ మాత్రం ఉండదని ఒలింపిక్ కమిటీ నిర్వహకులు టోనీ ఎస్టాంగ్యుయెట్ అన్నారు. ఆ పోటీలు యథావిధిగా జరుగుతాయని చెప్పారు.
'2024 వేసవిలో పారిస్ ఒలింపిక్స్ యథావిధిగా జరుగుతాయి. వాటిపై ఏం ప్రభావం లేదు. ప్రస్తుత ఒలింపిక్స్ తేదీ మార్చడం అథ్లెట్లకు మంచిదే'
- టోనీ ఎస్టాంగ్యుయెట్, ఒలింపిక్స్ నిర్వహకులు
ఈ ఏడాది జులై 24 నుంచి ఆగస్టు 9 వరకు జరగాల్సిన ఒలింపిక్స్ను వాయిదా వేస్తున్నట్లు ఐఓసీ, జపాన్ ప్రధాని షింజో అబె సంయుక్తంగా ప్రకటించారు. ఈ విశ్వక్రీడల్ని వచ్చే ఏడాది నిర్వహిస్తామని చెప్పారు. అయితే వైరస్ వ్యాప్తితో ఈ ఏడాది యూరప్లో జరగాల్సిన ఫుట్బాల్ లీగ్ వచ్చే ఏడాదికే వాయిదా పడింది.
ఇదీ చదవండి: ఒలింపిక్స్ వాయిదా ఇదే తొలిసారా!
