Virat Kohli PSL: టీమ్ఇండియా మాజీ కెప్టెన్ విరాట్ కోహ్లీ క్రీజ్లోకి అడుగుపెడితే పరుగుల వరదే. చూడచక్కని షాట్లు ఆడుతూ వికెట్ల మధ్య వేగంగా పరిగెత్తుతూ స్కోరుబోర్డును పరుగులపెట్టించేవాడు. విరాట్ బరిలోకి దిగితే సెంచరీ బాదకుండా వెళ్లడు అని అభిమానులు ఫిక్స్ అయ్యేవాళ్లు. ఆ స్థాయిలో విరాట్ బ్యాటింగ్లో నిలకడ ఉండేది. కానీ గత కొంతకాలంగా విరాట్ బ్యాటింగ్లో మునపటి జోష్ కనిపించట్లేదు. బ్యాటింగ్లో తడపడుతూ చాలా తక్కువ పరుగులకే వెనుదిరుగుతున్నాడు. కోహ్లీ సెంచరీ చేసి దాదాపు మూడేళ్లు అవుతోంది. విరాట్ ఎప్పుడు సెంచరీ చేస్తాడా అని అభిమానులు ఆశతో ఎదురుచూస్తున్నారు.
కోహ్లీ సెంచరీ కోసం కేవలం టీమ్ఇండియా ఫ్యాన్స్ మాత్రమే కాదు దాయాది దేశం పాకిస్థాన్లోని అభిమానులు కూడా నిరీక్షిస్తున్నారు. అయితే ఓ అభిమాని కోరిక కేవలం సెంచరీ చేయడంతో ఆగలేదు.. సెంచరీ చేయాల్సిన చోటు కూడా చెప్పేశాడు.
కోహ్లీ విరాభిమాని అయిన ఆ పాకిస్థానీ.. పాకిస్థాన్ సూపర్ లీగ్ మ్యాచ్లో భాగంగా ప్లకార్డుతో కనిపించాడు. "విరాట్.. నువ్వు పాకిస్థాన్లో సెంచరీ చేస్తే చూడాలని ఉంది" అంటూ అందులో పేర్కొన్నాడు. ఇందుకు సంబంధించిన ఫొటో ప్రస్తుతం సోషల్ మీడియాలో వైరలైంది.
ఇదీ చూడండి : Virat Kohli: కోహ్లీ ఇలాంటి రిస్క్ ఎప్పుడూ తీసుకోలేదు: చోప్రా
