Womens Asia Cup 2022 : మహిళల ఆసియా కప్లో భాగంగా భారత్, పాకిస్థాన్ మధ్య జరిగిన మ్యాచ్ ఉత్కంఠగా సాగింది. చివరి ఓవర్ వరకు సాగిన మ్యాచ్లో చిరకాల ప్రత్యర్థి పాకిస్థాన్ చేతిలో ఓడిపోయింది భారత జట్టు. 138 పరుగుల లక్ష్యంతో బరిలోకి దిగిన భారత మహిళల జట్టు 124 పరుగులకు ఆలౌట్ అయ్యింది. చివర్లో రిచా ఘోశ్ 13 బంతుల్లో 26 (1x4, 3x6) ఒంటరిగా పోరాడినా ఫలితం దక్కలేదు. పాక్ బౌలర్లలో నశరా సంధు మూడు వికెట్లు, నిదా దార్, సాదియా ఇక్బాల్ రెండు వికెట్లు, తుబా హసన్, ఐమాన్ అన్వర్ చెరో వికెట్ తీశారు.
అంతకుముందు టాస్ గెలిచి బ్యాటింగ్ ఎంచుకున్న పాకిస్థాన్ జట్టు నిర్ణీత 20 ఓవర్లలో 137 పరుగులు చేసి ఆరు వికెట్లు కోల్పోయింది. పవర్ ప్లేలోనే మూడు వికెట్లు కోల్పోయి.. కష్టాల్లో ఉన్న పాక్ జట్టును నిదా దార్.. కెప్టెన్ మరూఫ్ ఆదుకున్నారు. నిదా దార్ 37 బంతుల్లో 56 పరుగులు చేసి నాటౌట్గా నిలవగా.. మరూఫ్ 35 బంతుల్లో 32 పరుగులు చేసింది. భారత బౌలర్లలో దీప్తి శర్మ 27 పరుగులు ఇచ్చి మూడు వికెట్లు తీసింది. పూజా వస్త్రాకర్ 2, రేణుకా సింగ్ ఒక వికెట్ తీశారు.
ఇవీ చదవండి: 'రుతురాజ్‌ ఇషాన్‌.. అది మంచి పద్ధతి కాదయ్యా'.. నెట్టింట ఫుల్ ట్రోలింగ్‌!
'మేము అలా చేయలేకపోయాం.. అందుకే ఓడిపోయాం.. సంజూ ఈజ్ గ్రేట్‌!'
