ఈ ఏడాది కరేబియన్ ప్రీమియర్ లీగ్(సీపీఎల్)కు దూరమవుతున్నట్లు వెస్టిండీస్ విధ్వంసకర బ్యాట్స్మెన్ క్రిస్ గేల్ ప్రకటించాడు. వ్యక్తిగత కారణాల వల్ల ఈ నిర్ణయం తీసుకున్నట్లు తెలిపాడు. ఆటగాళ్లను ఎంపిక చేసే ఒక రోజు ముందు గేల్ ఈ ప్రకటన చేశారు.
లాక్డౌన్ కారణంగా తన కుటుంటాన్ని, పిల్లలను కలవలేకపోవడమే కారణంగా గేల్ తన ఈ మెయిల్లో తెలిపినట్లు ఈఎస్పీఎన్ క్రిక్ఇన్ఫో సంస్థ వెల్లడించింది. ప్రస్తుతం తన కుటుంబంతో గడిపేందుకు గేల్ విరామం కోరుకుంటున్నట్లు పేర్కొంది సంస్థ.
సెయింట్ లూసియా జూక్స్ జట్టు తరఫున ఆడేందుకు ఒప్పందాన్ని కుదుర్చుకున్నాడు గేల్. గతంలో జమైకా తలావాస్, సెయింట్ కిట్స్ అండ్ నెవీస్ పేట్రియాట్స్ తరఫున ఆడగా.. రెండు సార్లు సీపీఎల్ టైటిల్ గెలుచుకున్నాడు.
అయితే, ఇటీవలే జమైకా తలావాస్ కోచ్ రామ్నరేశ్ శర్వాణ్పై విమర్శలు గుప్పించాడు ఈ దిగ్గజ ఆటగాడు. సీపీఎల్లోని జమైకా తలావాస్ జట్టు నుంచి తనను తొలగించడానికి శర్వాణ్ కారణమని ధ్వజమెత్తుతూ.. అతడ్ని పాముకంటే ప్రమాదకారిగా పేర్కొన్నాడు.
ఇదీ చూడండి:'కరోనా వైరస్ కంటే ప్రమాదకారివి నువ్వు'
