టీమ్ఇండియా కెప్టెన్ విరాట్ కోహ్లీ, న్యూజిలాండ్ కెప్టెన్ కేన్ విలియమ్సన్.. మైదానంలోనే కాకుండా బయట గొప్ప స్నేహితులుగా ఉన్నారు. కోహ్లీ.. విలియమ్సన్కు ఎంత గౌరవం ఇస్తాడో.. తను తాజాగా షేర్ చేసిన ఇన్స్టా పోస్ట్ అందుకు నిదర్శనం. భారత జట్టు చివరి న్యూజిలాండ్ పర్యటనలో విలియమ్సన్తో కలిసున్న చిత్రాన్ని పోస్ట్ చేస్తూ.. "మన సంభాషణలను ఇష్టపడతా. మంచి మనిషి" అని కేన్ను ట్యాగ్ చేశాడు కోహ్లీ.
మైదానంలో కోహ్లీ దూకుడున్న ఆటగాడిగా ప్రసిద్ధి చెందగా.. విలియమ్సన్ ప్రశాంతమైన ప్రవర్తన కలిగి ఉంటాడు. దీన్ని పోలుస్తూ పలువురు నెటిజన్లు స్పందించారు. కోహ్లీని ఫైర్తో, విలియమ్సన్ను మంచుతో పోల్చే కామెంట్లు పెట్టారు.
- " class="align-text-top noRightClick twitterSection" data="
">
ప్రస్తుతం లాక్డౌన్ కారణంగా ఇంటివద్దే ఫిట్నెస్ కోసం జిమ్లో కసరత్తులు చేస్తున్నాడు కోహ్లీ. రాయల్ ఛాలెంజర్స్ బెంగళూరు జట్టులో కోహ్లీ సహచరుడైన ఏబీ డివిలియర్స్తో ఆకట్టుకునే వర్కౌట్ వీడియోను ఇటీవలే ఇన్స్టాగ్రామ్లో పోస్ట్ చేశాడు.
ఇదీ చూడండి.. 'నా తల పోయింది.. ఎవరికైనా దొరికిందా?'
