బోర్డర్ గావస్కర్ ట్రోఫీలో భాగంగా ఆస్ట్రేలియాతో జరుగుతున్న తొలి టెస్టు రెండో రోజు ఆటలో భారత కెప్టెన్ రోహిత్ శర్మ(101*) సెంచరీతో మెరిశాడు. కెరీర్లో అతడికి 9వ శతకం. దాదాపు రెండేళ్ల తర్వాత టెస్టుల్లో సెంచరీ కొట్టడం విశేషం. మర్ఫీ బౌలింగ్లో బౌండరీతో మూడంకెల మార్క్ను తాకాడు. ప్రస్తుతం 63 ఓవర్లు ముగిసేసరికి టీస్ఇండియా స్కోరు 178/5. దీంతో తొలి ఇన్నింగ్స్లో భారత్ ఒక్క పరుగు ఆధిక్యంలోకి వచ్చింది. క్రీజ్లో రోహిత్తోపాటు జడేజా (3*) ఉన్నాడు. ఈ సెంచరీ చేసేందుకు 171 బంతులు ఆడిన రోహిత్ 14 ఫోర్లు, 2 సిక్సర్ల సాయంతో అంతర్జాతీయ కెరీర్లో తన 43వ శతకాన్ని పూర్తి చేశాడు.
ఈ సెంచరీ మార్క్తో హిట్‌మ్యాన్‌ ఓ అరుదైన రికార్డును తన ఖాతాలో వేసుకున్నాడు. కెప్టెన్గా మూడు ఫార్మాట్లలో శతకాలు బాదిన తొలి భారత కెప్టెన్గా నిలిచాడు. ప్రపంచక్రికెట్లో కెప్టెన్గా మూడు ఫార్మాట్లలో ఈ ఘనత సాధించిన నాలుగో కెప్టెన్గా రికార్డుల్లోకెక్కాడు. ఇకపోతే కెప్టెన్గా మూడు ఫార్మాట్లలో సెంచరీలు చేసిన రికార్డు ఇప్పటివరకు ముగ్గురి పేరిట ఉండేది. మొదట శ్రీలంక మాజీ కెప్టెన్ తిలకరత్నే దిల్షాన్‌ ఈ మార్క్ అందుకోగా.. ఆ తర్వాత సౌతాఫ్రికా మాజీ సారధి ఫాఫ్‌ డుప్లెసిస్‌, ఇటీవలే పాక్‌ కెప్టెన్ బాబర్‌ ఆజామ్‌ కెప్టెన్లుగా ఈ ఘనత సాధించారు. తాజాగా రోహిత్ ఈ దిగ్గజ కెప్టెన్ల సరసన చేరాడు.
ఇకపోతే లంచ్‌ బ్రేక్ తర్వాత తొలి బంతికే టీమ్ఇండియాకు భారీ షాక్‌ తగిలింది. భోజన విరామం సయమం తర్వాత తొలి బంతికే విరాట్‌ (26 బంతుల్లో 12; 2 ఫోర్లు) ఔటయ్యాడు. కోహ్లీ వికెట్ను కూడా ఆసీస్‌ యువ స్పిన్నర్‌ టాడ్‌ మర్ఫీయే తీశాడు. టీమ్ఇండియా కోల్పోయిన నాలుగు వికెట్లు ఈ యువ స్పిన్నరే తీయడం విశేషం.
ఇదీ చూడండి: అశ్విన్ @ 450.. టెస్టుల్లో అత్యధిక వికెట్లు తీసిన స్టార్స్ ఎవరంటే?
