Nagachaitanya pooja hegdey: యువ హీరో అక్కినేని నాగచైతన్య తన కొత్త సినిమాను తమిళ దర్శకుడు వెంకట్ ప్రభుతో చేయనున్నారని కొద్ది కాలంగా ప్రచారం సాగుతోంది. త్వరలోనే దీనిపై అధికార ప్రకటన వచ్చే అవకాశముంది. ఇప్పుడీ చిత్రం గురించి మరో విషయం బయటకు వచ్చింది. ఈ మూవీలో హీరోయిన్గా పూజాహెగ్డేను తీసుకోవాలని చిత్రబృందం భావిస్తున్నట్లు తెలుస్తోంది. ఈ సినిమాలోని కథానాయిక పాత్రకు ఆమె అయితేనే సరిగ్గా సరిపోతుందని మూవీటీమ్ ఆలోచిస్తుందట! ప్రస్తుతం చర్చలు జరుగుతున్నాయి.
గతంలో పూజాహెగ్డే, నాగచైతన్య కలిసి 'ఒక లైలా కోసం' చిత్రంలో నటించారు. ఈ మూవీ సూపర్హిట్గా నిలిచింది. కాగా, చైతూ ఇటీవలే 'లవ్స్టోరీ', 'బంగార్రాజు' చిత్రాలతో ప్రేక్షకుల ముందుకు వచ్చి హిట్ అందుకున్నారు. త్వరలోనే 'థ్యాంక్యూ', 'లాల్ సింగ్ చద్ధా'తో అభిమానులను పలకరించనున్నారు. ఇక పూజాహేగ్డే పలు స్టార్ హీరోల చిత్రాల్లో నటిస్తూ బిజీగా ఉంది. అందులో 'బీస్ట్', 'సర్కస్' ఉన్నాయి. త్వరలోనే ఆమె నటించిన 'ఆచార్య', 'రాధేశ్యామ్' మూవీస్ విడుదల కానున్నాయి.
ఇదీ చూడండి: నా తల్లి వేశ్య కాదు.. ఆలియా సినిమాపై గంగూబాయ్ తనయుడు ఫైర్
