జాకీచాన్ అందరికీ సుపరిచితమే.. కానీ ఆ నటుడి అసలు పేరు చాన్ కాంగ్‌ సాంగ్‌. అంటే హాంకాంగ్లో పుట్టిన డ్రాగన్ అని అర్థం. అభిమానులు ‘బిగ్‌ బ్రదర్గా పిలుచుకునే ఇతడు కేవలం నటుడు మాత్రమే కాదు, మార్షల్‌ యుద్ధ విద్యా నిపుణుడు, దర్శకుడు, నిర్మాత, స్టంట్‌మ్యాన్, గాయకుడు. కుంగ్‌ఫూ, హాప్‌కిడో, కరాటే, తైక్వాండో, జూడో, జీత్‌కునే దో లాంటి విద్యల్లో ప్రవేశం ఉంది. నేడే ఈ హీరో పుట్టినరోజు .
- " class="align-text-top noRightClick twitterSection" data="">
160 సినిమాలకు పైగా నటించిన జాకీచాన్ తన సినిమాల్లో పోరాటాలను తానే రూపొందిస్తాడు. పాటల్ని స్వయంగా రాసి... పాడుతాడు కూడా. విడిగా వందలాది ఆల్బమ్స్‌ ద్వారా పాప్‌ ప్రియులకు అభిమాన గాయకుడు. ఫోర్బ్స్ అంచనా ప్రకారం 2015 నాటికే 350 మిలియన్‌ డాలర్ల విలువ కలిగిన వ్యక్తిగా గుర్తింపు పొందాడు జాకీచాన్.
చిన్నప్పుడే నటన
ఐదేళ్ల వయసులోనే చిన్న చిన్న వేషాలు వేసిన జాకీచాన్.. ఎనిమిదేళ్లకల్లా ‘'బిగ్‌ అండ్‌ లిటిల్‌ వాంగ్‌ టిన్‌ బార్‌’' (1962), ‘'ది లవ్‌ ఎటర్న్‌’' (1963), ‘'కమ్‌ డ్రింక్‌ విత్‌ మి'’ (1966) లాంటి సినిమాల్లో నటించాడు. పదిహేడేళ్ల వయసు వచ్చేసరికి బ్రూస్‌లీ నటించిన ప్రపంచప్రఖ్యాత సినిమాలు ‘'ఫిస్ట్‌ ఆఫ్‌ ఫ్యూరీ’', ‘'ఎంటర్‌ ది డ్రాగన్'’ సినిమాల్లో స్టంట్‌ మాస్టర్‌గా వ్యవహరించే స్థాయికి ఎదిగాడు.
- " class="align-text-top noRightClick twitterSection" data="">
1978లో వచ్చిన ‘'స్నేక్‌ ఇన్‌ ది ఈగల్స్‌ షాడో'’ సినిమా జాకీచాన్ జాతకాన్ని మార్చేసింది. అందులో హాస్యాన్ని మేళవిస్తూ జాకీచాన్ రూపొందించిన విచిత్ర పోరాట విన్యాసాలు హాంకాంగ్ ప్రేక్షకులకు చాలా కొత్తగా అనిపించాయి.
'ది యంగ్‌ మాస్టర్‌' (1980)తో జాకీచాన్.. బ్రూస్‌లీ సినిమాల రికార్డులను అధిగమించి హాంకాంగ్లో టాప్‌ స్టార్‌ హోదాకి ఎదిగాడు. ఆపై ‘'ప్రాజెక్ట్‌ ఏ’', '‘పోలీస్‌ స్టోరీ'’, '‘ఆర్మర్‌ ఆఫ్‌ గాడ్‌'’ లాంటి చిత్రాలు అతడిని అంతకంతకు ఎదిగేలా చేశాయి. ఇక '‘రంబుల్‌ ఇన్‌ ది బ్రాంక్స్‌'’, ‘'సూపర్‌కాప్‌'’, '‘రష్‌ అవర్‌'’ సినిమాలు జాకీచాన్‌ను హాలీవుడ్‌లో కూడా ప్రముఖుడిని చేశాయి.
- " class="align-text-top noRightClick twitterSection" data="">
గిన్నిస్‌ రికార్డులు
‘ఎక్కువ పోరాటాలు చేసిన నటుడి’గా జాకీచాన్‌కు ప్రపంచ గిన్నిస్‌ రికార్డు ఉంది. అలాగే ఒక సినిమాలో ఎక్కువ విభాగాల్లో (చైనీస్‌ జోడియాక్‌’,15 ) పనిచేసిన వ్యక్తిగా‘ (2012)కి మరో రికార్డు ఉంది.
