భూమికి చేరువగా ఆ తోకచుక్క.. దాని పొడవు ఎంతో తెలుసా?

కొత్తగా కనిపెట్టిన తోకచుక్క ‘నియోవైజ్‌’ భూమికి చేరువగా రానుంది. వారం కిత్రం బుధ గ్రహం కక్ష్యను దాటిన ఆ తోక చుక్క మరో రెండో వారాల్లో భూమిపై నుంచి కనబడనుంది. ఇది దాదాపు 5కి.మీ. పొడవు ఉండనుందని, రాత్రి వేళల్లో కళ్లకు కనిపిస్తుందని నాసా వర్గాలు తెలిపాయి.

ఆకాశంలో మరో అద్భుతం కనువిందు చేయనుంది. కొత్తగా కనుగొన్న తోకచుక్క.. భూమికి సమీపంగా రానుంది. ఈ "నియోవైజ్​" తోకచుక్క.. గత 25ఏళ్లలోనే అత్యంత ప్రకాశవంతమైనదని శాస్త్రవేత్తలు చెబుతున్నారు. ఇది వారం రోజుల ముందే బుధ గ్రహం కక్ష్య దాటిందని.. మరో రెండు వారాల్లో భూమిని దాటుతుందని పేర్కొన్నారు.

ఈ తోకచుక్క 3మైళ్ల(5 కి.మీ) పొడవు ఉంది. ఇది ఉత్తరాన కనపడనుంది. రాత్రి పూట దీనిని చూడవచ్చు. కాలుష్యం తక్కువుగా ఉన్న ప్రదేశాల్లో బైనాక్యులర్స్​ సహాయం​ లేకుండానే దీనిని చూడవచ్చు.