అంతరిక్షం అంచుకు వెళ్లాలా? ఎంత ఖర్చవుతుందంటే..

అంతరిక్షం అంచుల్లో విహరించే అద్భుత అవకాశాన్ని కల్పిస్తోంది స్పేస్ పర్స్​పెక్టివ్​ అనే సంస్థ. అందుకు ఎంత ఖర్చు అవుతుంది? ఎలా వెళ్లాలో చూడండి.

ఆకాశం నుంచి భూమిని చూస్తే కలిగే అనుభూతే వేరు. విమానాలు, హాట్​ఎయిర్​ బెలూన్లతో ఓ మోస్తారు ఎత్తు నుంచి చూసే ఉంటారు. అయితే లక్ష అడుగల ఎత్తులో.. శూన్యం నుంచి భూమిని చూడాలని ఉందా? అంతరిక్షపు అంచులను తాకాలనుకుంటున్నారా? ఆ అవకాశాన్ని కల్పిస్తోంది హ్యూమన్​ స్పేస్ ఫ్లైట్ సంస్థ స్పేస్ పర్స్​పెక్టివ్.

అంతరిక్ష నౌక నెప్ట్యూన్

స్పేస్​షిప్​ నెప్ట్యూన్​ను అంతరిక్ష పర్యటనకు సిద్ధం చేస్తోంది స్పేస్ పర్స్​పెక్టివ్. హాట్​ఎయిర్​ బెలూన్​ తరహాలో ఉండే ఈ హైటెక్​ అంతరిక్ష నౌకలో ఒక పైలట్​తో పాటు 8 మంది వరకు యాత్రికులు వెళ్లొచ్చు. అందులో బార్​తో పాటు పరిసరాలను ఆస్వాదించేలా విలాసవంతమైన ఏర్పాట్లు చేశారు.

ఇదీ చూడండి: అంతరిక్ష వీధిలో వేసవి సెలవులు గడపొచ్చు!

ఎంత సేపు ప్రయాణం..

ఈ ప్రయాణం మొత్తం 6 గంటలు. భూమికి లక్ష అడుగుల ఎత్తుకు వెళ్లేందుకు 2 గంటలు.. అక్కడ​ క్యాబిన్​లో 360 డిగ్రీల్లో దృశ్యాలను వీక్షించేందుకు యాత్రికులకు ఓ 2 గంటలు.. తిరుగు పయనంలో సముద్రంలో నౌకపై స్పేస్​ షిప్ దిగడానికి మరో 2 రెండు గంటల సమయం పడుతుంది.

నెప్ట్యూన్​లో అంతరిక్ష యాత్ర

2024లో తొలి స్పేస్​ షిప్​ను అంతరిక్ష పర్యటనకు పంపేందుకు స్పేస్ పర్స్​పెక్టివ్​ రంగం సిద్ధం చేస్తోంది. ఇప్పటికే బుకింగ్​లు కూడా ప్రారంభమయ్యాయి. అయితే తొలి ఫ్లైట్లను అమెరికాలోని ఫ్లోరిడాలోనే మొదలుపెట్టనున్న సంస్థ.. ప్రపంచవ్యాప్తంగా లాంచింగ్​ కేంద్రాలను సిద్ధం చేయాలని భావిస్తోంది.

ఇదీ చూడండి: అంతరిక్షంలో సినిమా షూటింగ్​ల కోసం పోటీ!

టికెట్ ఎంత?

2024లోనే వెళ్లాలంటే ఒక్కరికి దాదాపు రూ.92 లక్షలు ఖర్చు అవుతుంది. ఆ తర్వాత ఏడాది కోసం రిజర్వేషన్​ చేసుకుంటే టికెట్ ధర తగ్గుతుంది. పైగా రిజర్వేషన్​ సొమ్ము రీఫండబుల్.

మానవరహితంగా ఈ నౌకను జూన్​ 18న అంతరిక్షంలోని విజయవంతంగా పంపింది ఈ సంస్థ. ఆరున్నర గంటల తర్వాత తిరిగొచ్చిన ఈ నౌక.. అంతరిక్ష పర్యటనలో మరో ముందడుగని స్పేస్ పర్స్​పెక్టివ్ తెలిపింది.

ఇదీ చూడండి: tiktoker into space: అంతరిక్షంలోకి.. టిక్‌టాకర్‌

స్పేస్​షిప్​ నెప్ట్యూన్​

అంతరిక్ష యాత్రకు ఇవి కూడా..

ప్రపంచంలోనే తొలిసారి అంతరిక్ష పర్యటన చేసింది అమెరికాకు చెందిన ధనవంతుడు డెనిస్ టిటో. 2001 ఏప్రిల్​లో రష్యాకు చెందిన సోయుజ్​ రాకెట్​లో ఆయన అంతర్జాతీయ అంతరిక్ష కేంద్రానికి వెళ్లారు. అప్పటి నుంచి అతి కొద్ది మంది మాత్రమే అంతరిక్ష యాత్ర చేపట్టారు.

ఇక అంతరిక్ష పర్యటనలనే నమ్ముకున్న ఎలాన్​ మస్క్​కు చెందిన స్పేస్​ఎక్స్​, జెఫ్​ బెజోస్ బ్లూ ఆరిజన్, రిజర్డ్ బ్రాన్సన్​కు చెందిన వర్జిన్​ గాలక్టిక్ సంస్థలు ఎట్టకేలకు యాత్ర చేపట్టనున్నాయి.

ఇదీ చూడండి: బెజోస్‌తో అంతరిక్ష ప్రయాణానికి అన్ని కోట్లా!