Whatsapp latest Features: ప్రపంచంలోనే అత్యధిక వినియోగదారులను కలిగిన మెసెంజర్ వాట్సాప్. ఎప్పటికప్పుడు కొత్త ఫీచర్లతో యూజర్ల సంఖ్యను మరింత పెంచుకుంటోంది. మెటాలో భాగమైన ఈ దిగ్గజ యాప్ త్వరలోనే ఆండ్రాయిడ్, ఐఓఎస్ యూజర్ల కోసం ఐదు అత్యాధునిక ఫీచర్‌లను తీసుకురానుంది. డెస్క్టాప్, వెబ్ వెర్షన్లను కూడా అప్డేట్ చేయనుంది. సరికొత్త సెక్యూరిటీ ఫీచర్ను జతచేయనుంది. ఆ వివరాలు ఇప్పుడు చూద్దాం.
1. అడ్మిన్కు ఆ అధికారం..
వాట్సాప్ గ్రూప్లలో ఎవరైనా మేసేజ్లు పెడితే వాటిని డిలీట్ చేసే అధికారం ఆ యూజర్కు తప్ప మరెవరికీ లేదు. అయితే కొత్త ఫీచర్తో ఈ సమస్య తొలగిపోనుంది. గ్రూప్లో ఎవరు పోస్ట్ పెట్టినా దాన్ని డిలీట్ చేసే అధికారం ఇకపై అడ్మిన్కు ఉండనుంది. దీనివల్ల అనవసర, అభ్యంతరకర కంటెంట్ను గ్రూప్ నుంచి తొలగించవచ్చు.
2. రెండు దశల వెరిఫికేషన్
వెబ్/ డెస్క్టాప్ వెర్షన్లలోనూ 2 స్టెప్ వెరిఫికేషన్ను తీసుకురానుంది వాట్సాప్. ఈ ఫీచర్లో మీ ఖాతాను మరే ఇతర కంప్యూటర్లోనూ ఎవరూ ఉపయోగించలేరు.
3. రియాక్షన్ ఆప్షన్..
మెసెంజర్, ఇన్స్టాగ్రామ్లో మెసేజ్లకు రియాక్షన్ పంపే వెసులుబాటు ఉంది. ఇప్పుడు అలాంటి ఫీచర్ వాట్సాప్లో కూడా అందుబాటులోకి రానుంది. దీని ద్వారా యూజర్ల మధ్య సంభాషణ మరింత బాగా జరుగుతుందని సంస్థ భావిస్తోంది.
4. యానిమేటెడ్ ఎమోజీలు..
చాటింగ్లో యానిమేటెడ్ ఎమోజీలు చాలా తమాషాగా ఉంటాయి. టెలిగ్రామ్లో ఈ ఫీచర్ వినియోగదారులను బాగా ఆకర్షించింది. దీంతో తాను కూడా ముందుండాలని కొత్త యానిమేటెడ్ ఎమోజీలను యూజర్లకు అందుబాటులో ఉంచాలని వాట్సాప్ భావిస్తోంది. త్వరలోనే ఈ ఫీచర్ను కూడా తీసుకురానుంది.
Whatsapp communities feature
5. కమ్యూనిటీ ఫీచర్..
కమ్యూనిటీస్ అనే ఆసక్తికరమైన కొత్త ఫీచర్ను తీసుకురావాలని వాట్సాప్ భావిస్తోంది. ఇది గ్రూప్ చాట్ ఫీచర్. అంటే ఒక గ్రూప్లో ఉన్న సభ్యులతో అందులోనే వేర్వేరు కమ్యూనిటీలను క్రియేట్ చేసుకునే సదుపాయం. సింపుల్గా చెప్పాలంటే గ్రూప్లో మరో గ్రూప్ అన్నమాట.
ఇదీ చదవండి: ఈ తప్పులు చేస్తున్నారా?.. అయితే మీ వాట్సాప్ అకౌంట్ బ్లాక్!
