Shah Rukh Khan Thalapathy Vijay : బాలీవుడ్ స్టార్ హీరో షారుక్ - కోలీవుడ్ యాక్షన్ డైరెక్టర్ అట్లీ కాంబోలో వచ్చిన 'జవాన్' చిత్రం ఇటీవలే విడుదలై బాక్సాఫీస్ వద్ద సంచలనాలను సృష్టిస్తోంది. రికార్డుల స్థాయిలో వసూళ్లను అందుకుంటూ సరికొత్త రికార్డులను క్రియేట్ చేస్తోంది. ప్రస్తుతం థియేటర్లలో సక్సెస్ ఫుల్గా రన్ అవుతున్న ఈ చిత్రం ఇప్పటికే రూ.600కోట్లకు(Jawan Box office collections) పైగా వసూళ్లను అందుకుంది. రూ.1000కోట్ల మార్క్ అందుకునే దిశగా దూసుకుపోతోంది. అయితే ఈ చిత్రంలో కోలీవుడ్ స్టార్ దళపతి విజయ్ అతిథి పాత్రలో నటించారంటూ రిలీజ్కు ముందు ప్రచారం సాగింది. కానీ అది జరగలేదు.
ఇక ప్రమోషన్స్ సమయంలో అట్లీ మాట్లాడుతూ దీనిపై ఓ క్లారిటీ కూడా ఇచ్చేశారు. భవిష్యత్లో విజయ్-షారుక్ కాంబోలో ఓ సినిమా సెట్ చేసే అవకాశాలు ఉన్నాయని చెప్పారు. అయితే ఇప్పుడా టాపిక్ మళ్లీ తెరపైకి వచ్చింది. ఈ కాంబో గురించి దర్శకుడు అట్లీ మరోసారి మాట్లాడినట్లు కథనాలు వస్తున్నాయి. 'జవాన్' చిత్రంలో విజయ్ అతిథి పాత్రను తాను ఎందుకు స్కిప్ చేశారో క్లారిటీ ఇచ్చారు.
షారుక్ ఖాన్ - విజయ్ దళపతి కాంబోలో ఓ చిత్రాన్ని సెట్ చేయాలని ఉద్దేశంతోనే చేశారట. తప్పకుండా కథ రాస్తానని అట్లీ చెప్పినట్లు ప్రచారం సాగుతోంది. ఈ చిత్రం దాదాపుగా రూ.1500కోట్ల వరకు కలెక్షన్లను అందుకుంటుందని అట్లీ ఆశాభావం వ్యక్తం చేశారట. చూడాలి మరి నిజంగానే షారుక్-విజయ్ కాంబో సెట్ అవుతుందో.. ఒకవేళ అయితే సెట్స్పైకి ఎప్పటికీ వెళ్తుందో...
ఇకపోతే షారుక్ ప్రస్తుతం జవాన్ విజయాన్ని ఆస్వాదిస్తున్నారు. త్వరలోనే తన నెక్ట్స్ మూవీ డంకీ కోసం రెడీ అవ్వనున్నారు. ఈ సినిమాను ప్రముఖ సక్సెస్ఫుల్ డైరెక్టర్ రాజ్కుమార్ హిరాణీ తెరకెక్కిస్తున్నారు. వచ్చే ఏడాది ఈ చిత్రం రిలీజ్ అయ్యే ఛాన్స్ ఉంది. ఈ సినిమాతో మరో సక్సెస్ను అందుకుని హ్యాట్రిక్ విజయాన్ని ఖాతాలో వేసుకోవాలని షారుక్ ఆశిస్తున్నారు.
దళపతి విజయ్.. లోకేశ్ కనగరాజ్ డైరెక్షన్లో లియో చిత్రంతో ప్రేక్షకుల ముందుకు వచ్చేందుకు సిద్ధం అయ్యారు. ఈ చిత్రంలో బాలీవుడ్ ప్రముఖ నటుడు సంజయ్ దత్ పవర్ ఫుల్ ప్రతినాయకుడిగా కనిపించనున్నారు. త్రిష హీరోయిన్గా నటిస్తోంది. అక్టోబర్ 19న సినిమా విడుదల కానుంది.
- " class="align-text-top noRightClick twitterSection" data="">
Rajinikanth Sharukh Khan : గత పదేళ్ల లెక్క తేల్చేశారు.. రూ.2500కోట్లు!
