ఆర్‌ఆర్‌ఆర్‌కు మరో ఘనత దక్కింది. హాలీవుడ్‌లో ప్రతిష్ఠాత్మకంగా భావించే ది న్యూయార్క్ ఫిల్మ్ క్రిటిక్స్ సర్కిల్ అవార్డు ఈ చిత్రాన్ని వరించింది. అమెరికాలో తాజాగా నిర్వహించిన అవార్డుల ప్రదానోత్సవంలో ఆర్ఆర్ఆర్ చిత్రానికి గానూ ఉత్తమ దర్శకుడిగా రాజమౌళి ఈ అవార్డు సొంతం చేసుకున్నారు. దీంతో జక్కన్నకు అభినందనలు చెబుతూ సినీ ప్రియులు పోస్టులు పెడుతున్నారు. వార్తా పత్రికలు, మ్యాగజైన్స్‌, ఆన్‌లైన్‌ పబ్లికేషన్స్‌కు సంబంధించిన పలువురు ప్రముఖులు ఒక బృందంగా ఏర్పడి 1935 నుంచి సినీ పరిశ్రమలో ఉత్తమ ప్రతిభ కనబరిచిన వారికి ఈ అవార్డులను అందజేస్తున్నారు.
రూ.400 కోట్ల బడ్జెట్‌తో తెరకెక్కి సుమారు రూ.1200 కోట్లు వసూళ్లు రాబట్టిన బిగ్గెస్ట్‌ యాక్షన్‌ ఎంటర్‌టైనర్‌ ఆర్ఆర్ఆర్’. రామ్‌చరణ్‌ - తారక్‌ ప్రధాన పాత్రధారులుగా రాజమౌళి ఈ చిత్రాన్ని తెరకెక్కించారు. ప్రపంచ వ్యాప్తంగా అలరించిన ఈ సినిమా ఇప్పటికే శాటర్న్‌, సన్‌సెట్‌ సర్కిల్ వంటి పలు అంతర్జాతీయ అవార్డులు దక్కించుకుంది. మరోవైపు ఈ సినిమా 'ఆస్కార్' బరిలోకి దిగిన విషయం తెలిసిందే. దాదాపు 14 విభాగాల్లో ఇది ఆస్కార్ వేదికగా పోటీ పడనుంది.
ఆర్ఆర్ఆర్ ఆస్కార్ ఆశలు: ప్రతిష్టాత్మకంగా తెరెకక్కిన ఈ చిత్రం ఆస్కార్ బరిలో నిలుస్తుందని అంతా ఆశించారు. కానీ అది కుదరలేదు. అయినా ఈ చిత్రాన్ని ఆస్కార్ రేసులో నిలపాలని చిత్రబృందం పరోక్షంగా ప్రయత్నిస్తున్నట్లు ప్రచారం సాగింది. అయితే ఇప్పుడీ చిత్ర ప్రేమికులకు ఓ శుభవార్త అందింది. అదేంటంటే.. తాజాగా జరిగిన న్యూయార్క్ ఫిల్మ్ క్రిటిక్స్ సర్కిల్ అవార్డు నిర్వహించిన పురస్కారాల ప్రదానోత్సవంలో జక్కన్నకు ఉత్తమ దర్శకుడిగా అవార్డు దక్కించుకున్నారు. అయితే ఇక్కడ విశేషమేమిటంటే.. 2000వ సంవత్సరం నుంచి ఇప్పటివరకు బెస్ట్ డైరెక్టర్ విన్నర్స్గా నిలిచిన వారిలో 16 మంది ఆస్కార్కు నామినేట్ అయ్యారు. దీంతో నెటిజన్లంతా రాజమౌళికి ఈ సారి ఆస్కార్ అవార్డు వరిస్తుందని ఆశాభావం వ్యక్తం చేస్తున్నారు.
ఇదీ చూడండి: మెహందీ వేడుకలో భర్తతో కలిసి చిందులేసిన హన్సిక ఎంత అందంగా ఉందో
