టాలీవుడ్ యువ నటుడు తేజ సజ్జ నటిస్తున్న చిత్రం 'హనుమాన్'. సూపర్ హీరో కథాంశంతో పాన్ ఇండియా రేంజ్లో తెరకెక్కుతున్న ఈ చిత్రానికి.. ప్రశాంత్ వర్మ దర్శకత్వం వహిస్తున్నారు. కాగా ఇటీవలే ఈ సినిమా ట్రైలర్ విడుదలై.. ప్రేక్షకులను అమితంగా ఆకట్టుకుంది. ఈ సినిమాలో గ్రాఫిక్స్ అద్భుతంగా తీర్చిదిద్దారు. ఎంతలా అంటే వందల కోట్ల బడ్జెట్తో పాన్ ఇండియా స్టార్ ప్రభాస్ హీరోగా రూపొందుతున్న 'ఆదిపురుష్' సినిమాతో పోల్చేంతగా.
ఒక విధంగా హనుమాన్ గ్రాఫిక్స్ వర్క్తో.. ఆదిపురుష్ టీమ్ ఇరకాటంలో పడింది. అయితే హాలీవుడ్ రేంజ్లో ఉన్న ఈ సినిమా వీఎఫ్ఎక్స్ విదేశాల్లో చేసింది కాదు. హైదరాబాద్కు చెందిన 'హేలో హ్యూస్ స్టూడియోస్(HaloHues Studios)' అనే సంస్థ ఈ సినిమాకు గ్రాఫిక్స్ అద్దింది. దీంతో ఈ కంపెనీ గురించి టాలీవుడ్ వర్గాల్లో చర్చ నడుస్తోంది.
సూపర్ హీరో కాన్సెప్ట్తో తెరకెక్కుతున్న ఈ చిత్రాన్ని నిరంజన్‌ రెడ్డి నిర్మిస్తున్నారు. అమృత అయ్యర్‌ హీరోయిన్‌గా నటిస్తోంది. వరలక్ష్మి శరత్ కుమార్, వెన్నెల కిషోర్, సత్య, గెటప్ శ్రీను కీలక పాత్రలు పోషిస్తున్నారు. అంజనాద్రి అనే ఒక ఊహాలోకంలో జరిగే సూపర్ హీరో థ్రిల్లర్గా రూపొందుతున్న ఈ చిత్రం తెలుగుతోపాటు తమిళ, మలయాళ, కన్నడ, హిందీ భాషల్లో విడుదల కానుంది.
- " class="align-text-top noRightClick twitterSection" data="">
