Balakrishna Vs Ravteja : బాలయ్య ఈ సారి ఆటను తనవైపు తిప్పేసుకుంటారా?

Balakrishna Vs Ravteja : ఈ దసరా బాక్సాఫీస్​ బరిలో నందమూరి నటసింహం బాలకృష్ణ గేమ్​ను తమ కంట్రోల్​లోకి తీసుకుంటారని అంతా ఆశిస్తున్నారు. ఆ వివరాలు..

Balakrishna Vs Ravteja : టాలీవుడ్​లో దసరా బాక్సాఫీస్ సీజన్​ దగ్గరపడుతోంది. సాధారణంగా ఇద్దరు స్టార్ హీరోలు ఒకేసారి బరిలోకి దిగినప్పుడు ఎవరు పైచేయి సాధిస్తారన్న ఉత్కంఠ ప్రేక్షకుల్లో ఉంటుంది. ఇప్పుడు దసరా బాక్సాఫీస్​ అదే ఉత్కంఠతను ప్రేక్షకుల్లో క్రియేట్ చేస్తోంది. ఈ సారి నందమూరి నటసింహం బాలకృష్ణ - మాస్ మహారాజా రవితేజ పోటీ పడనున్నారు.

అసలీ దసరా పండగకు నాలుగు సినిమాలు ఒకేసారి థియేటర్లలో విడుదల కానున్నాయి. టాలీవుడ్​ నుంచి బాలయ్య భగవంత్ కేసరి, రవితేజ టైగర్ నాగేశ్వరరావు, హిందీ చిత్రం టైగర్ ష్రాఫ్​ గణపత్​, దళపతి విజయ్​ వలియో రిలీజ్ అవుతున్నాయి. అయితే టాలీవుడ్ ప్రేక్షకులు.. భగవంత్ కేసరి వర్సెస్​ టైగర్ నాగేశ్వరరావు పోటీగానే చూస్తున్నారు. బాలయ్య - రవితేజ గతంలో పోటీపడ్డ ట్రాక్ రికార్డ్ వివరాలను బయటకు తీసి తిరగేస్తున్నారు.

• " class="align-text-top noRightClick twitterSection" data="">

2008 సంక్రాంతి బరిలో బాలయ్య 'ఒక్క మగాడు' చిత్రంతో కాస్త నిరాశపరచగా.. రవితేజ 'కృష్ణ' చిత్రంతో వచ్చి భారీ సక్సెస్​ను అందుకున్నారు. 2009లో బాలయ్య 'మిత్రుడు' సినిమాతో ప్రేక్షకుల్ని పలకరించగా.. రవితేజ 'కిక్'​ సినిమాతో కెరీర్​ బిగ్గెస్ట్ సక్సెస్​ను అందుకున్నారు. 2011 సంక్రాంతికి 'పరమవీర చక్ర' చిత్రంతో బాలయ్య ఆకట్టుకోకపోగా.. 'మిరపకాయ'తో వచ్చిన రవితేజ భారీ విజయాన్ని దక్కించుకున్నారు. అలా మూడు సార్లు బాలయ్యపై రవితేజనే సక్సెస్​ అందుకున్నారు.

దీంతో ఈ సారి దసరా బాక్సాఫీస్​ బరిలో ఎవరు పైచేయి సాధిస్తారన్న ఆసక్తి అభిమానుల్లో ఎక్కువగా నెలకొంది. అయితే ఈ సారి భగవంత్ కేసరి - టైగర్ నాగేశ్వరరావు రెండు సినిమాల ట్రైలర్స్ ప్రామిసింగ్​గా ఉండటంతో సినిమాలపై అంచనాలను గట్టిగానే ఉన్నాయి.

టైగర్ నాగేశ్వరరావు టెక్నికల్​గా స్కేల్​, విజన్ హైస్టాండర్డ్స్​లో ఉన్నాయి. భగవంత్ కేసరి కూడా ఎమోషన్స్​, సెంటిమెంట్​, అదరిపోయే డైలాగ్​లతో పర్ఫెక్ట్ ఫెస్టివల్ ఎంటర్​టైనర్​గా ఉంది. కాబట్టి.. ఈ సారి రెండు చిత్రాలు మంచి సక్సెస్​ అందుకుంటాయని అంతా భావిస్తున్నారు. అయితే బాలయ్య అభిమానులు మాత్రం భగవంత్ కేసరియే ఈ సారిపై చేయి సాధిస్తుందని, గత మూడు సార్ల ఓటమికి బాలయ్య రివెంజ్ తీర్చుకుంటారని అనుకుంటున్నారు. మరి ఏం జరుగుతుందో...

• " class="align-text-top noRightClick twitterSection" data="">